साउनपछि खटाएको ठाउँमा कर्मचारी नगए नयाँ भर्ना खुल्छ : मन्त्री पण्डित

 असार १६, २०७५ शनिबार १७:२९:१५ | गोविन्द शर्मा

बाँके – सङ्घीय मामिला तथा सामान्य प्रशासन मन्त्री लालबाबु पण्डितले साउनपछि खटाएको ठाउँमा कर्मचारी नगए नयाँ भर्नाको तयारी गर्ने बताउनुभएको छ ।

उहाँले धेरै युवा लोकसेवामा आउन तयार भएर बसेको बताउँदै साउनपछि तोकिएको ठाउँमा कर्मचारी काम गर्न तयार नभए आफूले नयाँ कदम चाल्ने बताउनुभएको हो ।

बढीमा असारभित्र प्रशासनीक संक्रमणकाल सकिने छ, सङ्घीय मामिला तथा सामान्य प्रशासन मन्त्रालय र उच्च स्तरीय प्रशासन सुधार कार्यान्वयन तथा अनुगमन समितिले शनिबार नेपालगञ्जमा आयोजना गरेको कार्यक्रममा बोल्दै मन्त्री पण्डितले साउनपछि दरबन्दी भएको स्थानबाट मात्रै कर्मचारीले तलब पाउने बताउनुभयो ।

अहिले केही कर्मचारीहरु खटाएको ठाउँ नजाने र काठमाडौंमा हाजिर गरेर दिन बिताइरहेको भन्दै मन्त्री पण्डितले साउन १ गतेदेखि खटाएको ठाउँमा कर्मचारी जानै पर्ने र नजानेको कुनै पनि बहाना सुन्न तयार नहुने प्रष्ट पार्नुभयो । 

कर्मचारीले धेरै अटेर गरे नयाँ युवालाई भर्ना गर्न सरकार तयार रहेको भन्दै मन्त्री पण्डितले काम नगर्ने र सेवा सुविधा मात्रै लिन चाहने कर्मचारी बिदा हुन तयार हुनुपर्ने बताउनुभयो ।

गलत नियतका साथ आउने कर्मचारी र उनलाई संरक्षण दिने राजनीतिक नेतृत्व कसैका कुरा नसुनिने उहाँको भनाई छ । मन्त्री पण्डितले घटीमा करिब १० हजार कर्मचारीलाई स्थानीय तहमा खटाइने बताउनुभयो । 

उहाँले सुत्केरी, गर्भवती, मुटुको भर्खरै अप्रेषण गरेका, किमो लिइरहेका  कर्मचारीलाई भनेको स्थानमा सरुवा गर्न तयार रहेको बताउनुभयो । 
केही कर्मचारीलाई काठमाडौंबाट बाहिर पठाउँदा मार्न पठाएको जस्तो ठान्ने प्रवृत्ति रहेको भन्दै उहाँले गलत प्रवृत्ति सुधार्न आवश्यक रहेको बताउनुभयो ।

केन्द्रबाट पठाइएका कर्मचारी फिर्ता गराउने स्थानीय तहको खाता समेत रोक्का गर्नुपरेको उहाँको भनाई छ । 
 

अन्तिम अपडेट: मंसिर ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।  

3 Comments

  • Chandradip yadav

    July 1, 2018, 10:50 a.m.

    I am chandradip yadav from siraha. I am watting for +2 result.

  •  0 Reply

  • Anil

    July 1, 2018, 7:04 a.m.

    Good job sir

  •  0 Reply

  • Bishnu Rijal

    July 1, 2018, 6:17 a.m.

    I like this step of our respected minister, staff who are always wants to enjoy in ktm,they need to feel what happens in rural areas.i am also worked in both rural and urban hospital. I liked this decision. Nepal need more leaders like l. B. Pandit.

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

चीनले फ्रान्स, जर्मनीलगायत २९ वटा देशका लागि एकपक्षीय भिसामुक्त नीति लागू गर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई