पाल्पाकाे माथागढीमा स्थानीय पाठ्यक्रम : व्यवसाय, सीप र प्रविधि, उपचार विधि, जडीबुटीका बारेमा पढाइने

वैशाख १४, २०७६ शनिबार १२:२:३९ | रासस

पाल्पा - पाल्पाको माथागढी गाउँपालिकाले शिक्षामा नयाँ अभ्यास सुरु गरेको छ । गाउँपालिका आफैले पाठ्यक्रम निर्माण गरेर यसै शैक्षिकसत्रदेखि पठनपाठन सुरु गरेको छ ।

गाउँपालिकाभित्रका सबै विद्यालयमा कक्षा १ देखि ६ सम्म सय पूर्णाङ्कको हाम्रो माथागढी पुस्तक तयार पारी स्थानीय पाठ्यक्रम लागू गरेको छ । यो जिल्लामै स्थानीय पाठ्यक्रम लागु भएको नयाँ सुरुवात हो ।

हाम्रो माथागढी पाठ्यक्रममा स्थानीयस्तरका १६ विषयवस्तु समावेश गरिएको छ । जसअन्र्तगत माथागढीको चिनारी, माथागढीको ऐतिहासिक पृष्ठभूमि, स्थानीय जातजाति, भाषाभाषी, ऐतिहासिक महत्वपूर्ण व्यक्तिको जीवनी परिचय र वडावडाको जनसङ्ख्याको अवस्था, स्थानीय विविध संस्कृति, प्रचलित स्थानीय संस्कार, स्थानीय कला र सम्पदा छन् ।

त्यस्तै स्थानीय बोलीचाली र लिपि, व्यवसाय सीप र प्रविधि, उपचार विधि, जडीबुटीको अवस्था, खेल, भूगोल, आर्थिक गतिविधि, जीविकोपार्जन र पर्यटनको विषयवस्तु समेटिएको गाउँपालिकाका अध्यक्ष सन्तोष थापामगरले जानकारी दिनुभयो ।

'स्थानीयस्तरकै पाठ्यपुस्तक समावेश भयो भने गाउँपालिकाभित्रका रहनसहन, ऐतिहासिक वस्तु, संस्कार, संस्कृति, भूगोलकाबारेमा विद्यार्थीले बुझ्ने अवसर पाउँछन्', उहाँले भन्नुभयो ।

केन्द्रीय पाठ्यक्रम विकास केन्द्र काठमाण्डौसँगको परामर्श तथा स्वीकृतिमा सरोकारवाला सबैको सल्लाह र सहयोगमा गााउँपालिकाले स्थानीयस्तरको पाठ्यक्रम तयार गरी लागू गरेको उहाँ बताउनुहुन्छ । चालू शैक्षिकसत्रबाट लागू गरेको हाम्रो माथागढी पाठ्यक्रमको प्रारुपमा स्थानीय पाठ्यक्रमको परिचय, साधारण उद्देश्य, माथागढीको स्थानीय पाठ्यक्रमको उद्देश्यमा आधारित छ ।

कक्षागत पाठ्यक्रम परिचय कक्षा १ र ६ को स्तर भिन्नताका आधारमा र माथागढी स्थानीय पाठ्यक्रमको कक्षा १ र ६ को कक्षागत उद्देश्य पाठ्यक्रमको विषयवस्तु रहेको छ । कक्षा १ देखि ८ सम्म एउटै भए पनि कक्षाअनुसारको त्यसभित्रको गहिराइ र विषयवस्तु सरलताबाट जटिलताको सिद्धान्तअनुसार रहनेछ । स्थानीय पाठ्यक्रम निर्माण समिति संयोजक अशेष भट्टराईले आधारभूत तहमा लागू भएको स्थानीय पाठ्यक्रम १०० पूर्णाङ्कको रहने बताउनुभयो ।

सैद्धान्तिक ५० र प्रयोगात्मक ५० पूर्णाङ्कको हुनेछ । मूल्याङकन प्रणाली कक्षा १ देखि ३ सम्म निरन्तर मूल्याङ्कनको आधारमा तोकिएको नमूनाअनुसार हुनेछ । कक्षा ४ देखि ८ सम्म परीक्षा प्रणालीअनुसार वस्तुगत, विषयगत तथा लामा छोटा प्रश्न समावेश गरी सैद्धान्तिक परीक्षाको मूल्याङ्कन गरिनेछ ।

स्थानीय तहले एक सय पूर्णाङ्कसम्मको पाठ्यक्रम बनाउन सक्छ । यस पाठ्यक्रम निर्माणका लागि गाउँपालिकाले रु तीन लाख रकम बजेट विनियोजन गरेको थियो ।

आधारभूत तहअन्तर्गत लागु गर्ने भनिए पनि यस शैक्षिकसत्रमा कक्षा १ देखि ६ सम्म सुरु गरिएको गाउँपालिकाले जनाएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्