कर्णाली प्रिमियर लिगः शनिबारकाे खेलमा कर्णाली–११ र एपीएफ विजयी

वैशाख १४, २०७६ शनिबार १८:५७:४४ | मुना हमाल

सुर्खेत – कर्णाली प्रिमियर लिग (केपीएल) मा शनिबार भएकाे खेलमा सशस्त्र प्रहरीको एपीएफ क्लबले हिमालयन क्रिकेट क्लबलाई ८४ रनले पराजित गरेको छ ।

विरेन्द्रनगरमा जारी प्रतियोगितामा टस जितेर पहिले ब्याटिङ गरेको एपीएफले निर्धारित २० ओभरमा २ विकेट गुमाएर १ सय ९२ रन बनाएको थियो । जसमा अनिल शाहले १५ चौका र ३ छक्काकाे मदतले एक सय २ रन बनाए । शरद भेषवाकरले ५१ रन, शंकर रानाले १३ र प्रदिप एरीले १२ रन बनाए ।

१ सय ९३ रनको लक्ष्य पछ्याउने क्रममा हिमालयन क्रिकेट क्बलले १९ दशमलब २ ओभरमा ८ विकेट गुमाएर १ सय ८ रन मात्र बनाउन सक्यो ।

यस्तै शनिबार नै भएको पहिलो खेलमा कर्णाली–११ ले दोस्रो जित हात पारेको छ । खेलमा मध्यपश्चिम क्रिकेट क्लबलाई ३१ रनले हराउँदै विजयी भएको हो । प्रतियोगिताको पहिलो दिन भएको खेलमा कर्णाली–११ ले लालिगुराँस क्लबलाई ८ विकेटले हराएको थियो ।

२१ गतेसम्म सञ्चालन हुने प्रतियोगिताको विजेताले पाँच लाख रुपैयाँ पाउनेछन् भने दोस्रो हुनेले दुई लाख पाउनेछन् । प्रतियोगितामा सर्वाेत्कृष्ट खेलाडीले ५० हजार रुपैयाँ प्राप्त गर्नेछन् । यस्तै उत्कृष्ट बलर र ब्याट्सम्यानले समान २०-२० हजार रुपैयाँ पाउने छन् ।

यस्तै फाइनल खेलमा एकजना दर्शकलाई रनर कम्पनीको एउटा मोटरसाइकल उपहार दिइने आयोजकले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्