कर्णाली प्रिमियर लिगः मध्यपश्चिम र एपीएफ विजयी

वैशाख १५, २०७६ आइतबार १९:१६:२६ | मुना हमाल

सुर्खेत - वीरेन्द्रनगरमा जारी दोस्रो संस्करणको कर्णाली प्रिमियर लिग (केपीएल) अन्तर्गत आइतबार भएका खेलमामा मध्यपश्चिम क्रिकेट क्लब र सशस्त्र प्रहरीको एपीएफ क्लब विजयी भएका छन् ।

पहिलो खेलमा मध्यपश्चिमले लालीगुराँस क्रिकेट एकेडेमीलाई ७ विकेटले पराजित गरेको हो । यो सँगै लालीगुराँसले तेस्रो हार बेहोरेको छ । अब लालीगुराँस प्रतियोगिताबाट नै बाहिरिने निश्चित भएको छ ।

टस जितेर ब्याटिङ गरेको लालीगुराँसले २० ओभरमा ९ विकेट गुमाएर १ सय ११ रन बनाएको थियो । ११२ रनको लक्ष्य मध्यपश्चिम क्रिकेट क्लबले ३ विकेटको क्षतिमा १६ दशमलब १ ओभरमा १ सय १३ रन बनायो । मध्यपश्चिमका लागि शैलेन्द्र यादवले ५३ र विशाल गुप्ताले ४५ रन बनाए । मध्यपश्चिमको जितमा आकास विष्ट र अजय साहनीले ३/३ विकेट लिए ।

खेलको 'म्यान अफ द म्याच' मध्यपश्चिमका आकास विष्ट घोषित भए ।

यस्तै दोस्रो खेलमा एपीएफले न्यू होराइजन बुटवललाई ३८ रनले पराजित गरेको छ । टस जितेर पहिले ब्याटिङ गरेको एपीएफले पूरै ओभर खेल्दै ८ विकेटको क्षतिमा १ सय ५३ रन बनाएको थियो ।

एपीएफका लागि शरद भेषवाकरले ४१ र शंकर रानाले आक्रामक ४८ रनको पारी खेले । उनले मात्र २८ बलमा ४ छक्का र एक चौकाको मद्दतमा ४८ रन बनाए ।
एफिएफले दिएको १ सय ५४ रनको लक्ष्य पछ्याएको न्यु होराइजनले २० ओभरमा ८ वीकेट गुमाएर १ सय १५ रन मात्र बनाउन सक्यो ।

एपीएफका लागि यज्ञमान कुमालले ३ विकेट लिँदा शरद भेषवाकर र भुवन कार्कीले समान २/२ विकेट लिए । त्यस्तै कमलसिंह एरीले १ विकेट लिए ।
शरद भेषवाकर खेलको 'म्यान अफ द म्याच' चुनिए ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्