बर्दिया निकुञ्ज क्षेत्रको पर्यटन प्रवर्द्धन गर्न निस्किएको टोली पोखरा पुग्यो (फोटो फिचर)

जेठ ७, २०७६ मंगलबार २०:५२:१८ | भावुक योगी

बर्दिया - बर्दिया राष्ट्रिय निकुञ्ज क्षेत्रका पर्यटन व्यवसायी र संरक्षणकर्मीहरु पर्यटन प्रवर्द्धनका लागि कार र्‍यालीमा निस्किएका छन् ।

नेपाल भ्रमण वर्ष सन् २०२० र देशको शान, अन्तराष्ट्रिय पहिचान, हेर्न जाऔँ बर्दिया भन्ने मूल नारा सहितकाे बर्दिया भ्रमण वर्ष २०७६ लाई सफल बनाउन बर्दिया निकुञ्ज आसपास क्षेत्रका पर्यटन व्यवसायी र संरक्षणकर्मीहरु कार र्‍यालीमा निस्किएका हुन् ।

बर्दिया राष्ट्रिय निकुञ्जसँगै बर्दिया जिल्लाको समग्र पर्यटन विकासमा टेवा पुर्‍याउने र बर्दिया भ्रमण वर्ष २०७६ लाई सफल पार्ने उद्देश्यका साथ सप्ताहव्यापी कार र्‍यालीको आयोजना गरिएको पर्या-पर्यटन विकास मञ्चका अध्यक्ष मोहनलाल चौधरीले बताउनुभयो ।

उदघाटनपछि र्‍याली आइतबार बिहान बर्दिया राष्ट्रिय निकुञ्ज कार्यालय परिसर ठाकुरद्वाराबाट पूर्वतर्फ पोखरासम्मका लागि प्रस्थान गरेको हो ।

बर्दिया भ्रमण वर्ष २०७६ का अवसरमा निस्किएको कार र्‍याली १२ वटा पर्यटकीय जंगल सफारी जीपमा ७१ जनाको टोली लिएर बर्दिया, बाँके, दाङ, हुँदै लुम्बिनी, बुटवलदेखि पाल्पा पुगेको छ भने बुधबार बिहान पोखरा पुग्ने जनाइएको छ ।

र्‍यालीमा निस्किएका टोलीले जिल्लाका प्रमुख बजार तथा चोकमा पोस्टर टाँस्दै सबैलाई बर्दिया घुम्न आउन निम्तो समेत दिएका छन् ।

सोमबार बिहान दाङको घोराहीमा होटल व्यवसायी संघ र बेलुका लुम्बिनीमा होटल व्यवसायीसँग बर्दियाको पर्यटन प्रर्वद्धन विषयमा अन्र्तक्रिया गरिएको पर्यापर्यटन विकास मञ्चका अध्यक्ष मोहनलाल चौधरीले बताउनुभयो ।

बर्दियामा पछिल्लो समय बाघको संख्या बढेसंगै बाघ हेर्न बर्दिया आउने पर्यटकको संख्या समेत बढ्दो छ । आन्तरीक तथा बाह्य पर्यटकहरु बाघ हेर्न चितवन पछि बर्दिया आउने परेका छन् । बर्दिया राष्ट्रिय निकुञ्जमा अहिले ८७ वटा बाघ, ३७ वटा एक सिँगे गैँडा तथा १ सयभन्दा बढी हात्ती रहेका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्