बेलायती प्रधानमन्त्री मेले दिइन् राजीनामा, नयाँ प्रधानमन्त्रीका लागि चुनावी दौड सुरु

जेठ २४, २०७६ शुक्रबार २०:५६:० | एजेन्सी

बेलायती प्रधानमन्त्री टेरिजामे ले शुक्रबार कन्जर्भेटिभ पार्टीबाट राजीनामा दिएकी छिन् । अब बेलायतमा नयाँ प्रधानमन्त्रीका लागि चुनावी दौड सुरु हुनेछ ।

मे नयाँ प्रधानमन्त्री चयन नभएसम्मका लागि प्रधानमन्त्रीको कुर्सीमा रहनेछिन् । उनले जुलाई महिनाको अन्त्यसम्म प्रधानमन्त्रीको पद सम्हाल्न सक्ने बताइएको छ । अब बेलायतलाई युरोपियन युनियन (ईयू) बाट अलग गर्नका लागि उनको हातमा कुनै नियन्त्रण हुनेछैन ।

ब्रेक्जिट को लागि अझै पनि ३१ अक्टोबरसम्म समय बाँकी छ । टेरिजामे ले गएको मे २४ मा राजीनामा दिने घोषणा गरेकी थिइन् । उनी झण्डै तीन वर्षदेखि बेलायतलाई ईयूबाट अलग गर्नका लागि प्रयास गरिरहेकी थिइन् । कैंयौ पटक यसको समयसीमा पनि बढाइयो तर उनकै पार्टीका नेता त्यसको विरोधमा देखिए ।

टरिजाले भनेकी थिइन्, ‘म विश्वास गर्छु कि मलाई दृढ रहने अधिकार छ । एक नयाँ प्रधानमन्त्री पाउँदा देशलाई निकै राम्रो हुन्छ । ब्रेक्जिट सम्झौता कार्यान्वयन नपाउनु मेरा लागि सबैभन्दा खेदको कुरा हो ।’ टेरिजा मे ले बेलायतलाई ईयूबाट अलग गर्ने सम्झौताको लागि सांसदहरुलाई मनाउन निकै कोसिस गरे पनि विफल भएको बताएकी छिन् ।

अब मे को स्थान कन्जर्भेटिभ पार्टीका नेता तथा विदेशमन्त्री बोरिस जोनसोनले लिन सक्ने बताइएको छ । जो बेलायतको भावी प्रधानमन्त्री बन्छ, उसँग ब्रेक्जिट सम्झौतामा काम गर्ने कि ढिलाइ गर्ने, त्यसका लागि केही महिनाको समय हुन्छ ।

पहिलाे जनमत संग्रह

ब्रेक्जिटको आगमनसँगै बेलायतमा राजनीतिक संकट सुरु भएको थियो । आज पनि यो संकट कायम छ । ईयूबाट बाहिरिने कि नबाहिरिने भन्ने पक्षमा गएको २०१६ जुन २३ मा पहिलो जनमत संग्रह भएको थियो । जसमा ५२ प्रतिशत मत ईयूबाट बाहिरनुपर्छ भन्नेमा खसेको थियो ।

मतदानको भोलिपल्ट नै प्रधानमन्त्री डेभिड क्यामरुनले राजीनामा दिएका थिए ।

टेरिजामे गएको २०१६ जुलाई १३ मा नयाँ प्रधानमन्त्री बनेकी थिइन् । उनले २ वर्षमा ब्रेक्जिट प्रक्रियालाई पूरा गर्ने वाचा गर्दै समथ लिए पनि उनी सफल हुन सकिनन् । संसदमा तीन पटकसम्म ब्रेक्जिट अस्वीकृत भएकाे थियाे ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्