कञ्चनपुर दुर्घटनाका मृतकको सनाखत

जेठ ३१, २०७६ शुक्रबार ११:५२:४ | दुर्गा उपाध्याय

कञ्चनपुर – कञ्चनपुरको महेन्द्रनगर–गड्डाचौकी सडकखण्डमा भएको दुर्घटनामा परि ज्यान गुमाउनेहरुको सनाखत भएको छ ।

दुर्घटनामा परि ज्यान गुमाउनेमा बैतडीको देहीमाण्डौंका २८ वर्षीय कृष्ण बोहरा, कास्कीको पोखरास्थित पृथ्वीचोक बस्ने ३५ वर्षीया बीना रिजाल र भारतीय नागरिक ५८ वर्षीय तिलप्रसाद रहेका जिल्ला प्रहरी कार्यालय कञ्चनपुरका प्रहरी नायब उपरीक्षक तथा प्रवक्ता ज्ञानबहादुर विष्टले बताउनुभयो ।

दुर्घटनामा परि अन्य चार जना घाइते भएका छन् । घाइतेमध्ये गम्भीर अवस्थामा रहेका अटोरिक्सा चालक भीमदत्त नगरपालिका १० गड्डाचौकीका प्रेम थापालाई थप उपचारका लागि भारत रेफर गरिएको छ ।

यस्तै, दुर्घटनामा परि घाइते भएका २५ वर्षीया लक्ष्मी बोहोरा र अढाई वर्षीय छोरा विशान्त तथा कञ्चनपुरकै बेल्डाँडीका सन्तोष लुहारलाई कैलालीको सेती अञ्चल अस्पतालमा रेफर गरिएको प्रवक्ता विष्टले बताउनुभयो ।

यस्तै, दुर्घटनामा परि घाइते भएका साइकल यात्री जगदीश पार्कीको भने महाकाली अञ्चल अस्पतालमै उपचार भइरहेको छ ।

शुक्रबार बिहान महेन्द्रनगरबाट गड्डाचौकीतर्फ जाँदै गरेको से १ क ७३३ नम्बरको एक्स्काभेटरले गड्डाचौकीबाट महेन्द्रनगर आउँदै गरेको म १ ह ७६३ नम्बरको अटोरिक्सालाई ठक्कर दिँदा तीन जनाको घटनास्थलमै ज्यान गएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्