शीतल हत्याकाण्ड : प्रेममा शंका लागेपछि हत्या, पक्राउ परेकालाई थुनामा राख्न अदालतको आदेश

जेठ ३२, २०७६ शनिबार ९:२७:१ | उपेन्द्र येक्तेन

पाँचथर – जिल्ला अदालत पाँचथरले १५ वर्षीया किशोरी शीतल योङहाङका हत्यामा संलग्नलाई पुर्पक्षका लागि थुनामा राख्न आदेश दिएको छ ।

जिल्ला न्यायाधीश मनोजकुमार केसीको इजलासले हिलिहाङ गाउपालिका–४, पञ्चमिकी १५ वर्षीया किशोरी शीतलको हत्यामा संलग्नलाई पुर्पक्षका लागि थुनामा राख्न आदेश दिएको हो ।

शीतलको गएको वैशाख २९ गते साँझ घाँटी रेटी विभत्स हत्या गरी घर नजिकैको सडक छेउमा शव भेटिएको थियो । हत्यामा आरोप लागेका फाल्गुनन्द गाउँपालिका–२, पात्लेभञ्ज्याङका पदम गोले तामाङ, भगिरथ बाँस्तोला र कर्ण तामाङलाई पुर्पक्षका लागि थुनामा राख्न आदेश दिएको अदालतले जनाएको छ ।

थुनामा राख्न आदेश दिइएकामध्ये पदम र भगिरथ घटनामा प्रत्यक्ष संलग्न रहेका थिए भने कर्णले हत्यामा संलग्न दुई जनालाई गाडीभाडा दिएर सहयोग गरेको प्रहरी अनुसन्धानबाट खुलेको छ ।

तीनजनामध्ये बाँस्तोला घटना भएको अर्काे दिन वैशाख ३० फिदिमबाट पक्राउ परेका थिए भने कर्ण तामाङ नौ दिनपछि फिदिमबाट नै पक्राउ परेका थिए । घटनाका मुख्य योजनाकार पदम गोले तामाङ भने घटना भएको २१ दिनपछि गएको जेठ १८ गते झापाको दमकबाट पक्राउ परेका थिए ।

पदम हत्या गरिएकी शीतलको प्रेमी रहेको वताइएको छ । आफूबाट टाढिएर अर्कै युवकलाई प्रेम गर्न थालेको आशंकामा तामाङले शीतलको हत्या गरेको स्वीकार गरेको पाँचथर प्रहरीले जनाएको छ ।

स्थानीय सिद्ध माध्यमिक कक्षा–१० मा अध्यय्नरत शीतलको पदमले बाँस्तोलाको सहयोग लिएर वैशाख २९ गते साँझ शीतलको घर नजिकै रहेको मान्छे नबस्ने अर्काे घरमा बोलाएर घाँटी रेटी हत्या गरेका थिए । अदालतको आदेशबमोजिम तीन जनालाई कारागार चलान गरिसकिएको पाँचथर प्रहरीले जनाएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्