निर्मला हत्या प्रकरण: पाँच प्रहरीका नाममा यातनाविरुद्धकाे मुद्दा दायर

असार ६, २०७६ शुक्रबार १९:२४:१९ | दुर्गा उपाध्याय

कञ्चनपुर – बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्त हत्या प्रकरणमा पाँच जना प्रहरीविरुद्ध उजुरी दर्ता गरिएको छ ।

निर्मला हत्याकाण्ड प्रकरणमा पक्राउ परेका भीमदत्त नगरपालिका-१८ सालघारीका १६ वर्षीय विशाल चौधरीले पाँच जना प्रहरीविरुद्ध उजुरी दर्ता गरेका छन् । हिरासतका बेला यातना दिएको भन्दै तत्कालीन प्रहरी प्रमुख कुबेर कडायतसहित अनुसन्धानमा खठिएका अन्य चारजना प्रहरी विरुद्ध उनले उजुरी दिएका हुन् ।

तत्कालीन प्रमुख प्रहरी उपरीक्षक कुबेर कडायत, प्रहरी नायब निरीक्षक प्रवक्ता कृष्ण राज ओझा, विशेष अनुसन्धानका लागि खटिएकी एसपी दुर्गा सिंह चन्द र नाम नखुलाइएका अन्य दुई जना प्रहरीविरुद्ध उजुरी दर्ता गरिएको हो ।

चौधरीले बिहीबार नै जिल्ला प्रहरी कार्यालयमा उजुरी दर्ता गर्न खोजे पनि प्रहरी मुद्दा दर्ता मानेको थिएन । प्रहरीले मुद्दाको हद म्याद नाघिसकेको र आफ्नो कार्यक्षेत्र अधिकार बाहिर रहेकाले उजुरी दर्ता नगर्ने बताएपछि चौधरीले शुक्रबार मुलुकी फौजदारी कार्यविधि संहिता २०७४ को दफा ५ को १ अन्तर्गत सरकारी वकिलको कार्यालयमा पुगेर उजुरी निवेदन दिएका हुन् ।

चौधरीको निवेदनको आधारमा दफा ५ को २ अनुसार मुद्दा दर्ता आवश्यक कारवाहीका लागि जिल्ला प्रहरी कार्यालय पठाइएको जिल्ला न्यायाधिवक्ता देवराज भारतीले बताउनुभयो । सरकारी वकिल कार्यालयबाट पत्र आएपछि प्रहरीले मुद्दा दर्ता गरेको अधिकारकर्मी शारदा चन्दले बताउनुभयो ।

गएको मंसिर १९ मा पक्राउ परेका विशाललाई प्रहरीले १७ दिन हिरासतमा राखेर रिहा गरेको थियो । प्रहरी हिरासतबाट छुटेको ६ महिनापछि उनले अधिकारकर्मीको सहयोगमा यातनाविरुद्धको उजुरी दिएका हुन् ।

यस अघि यातना दिएकाे र प्रमाण नष्ट गरेको भन्दै आठ प्रहरीविरुद्ध दिएको मुद्दा आदालतमा पुगेको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्