शहीद गोविन्द गौतमको शालिक अनावरण

असार २६, २०७६ बिहीबार १६:६:१ | दुर्गा उपाध्याय

कञ्चनपुर - कञ्चनपुरको आनन्दबजारमा भारतीय सीमा सुरक्षा बल एसएसबीको गोली लागेर शहीद भएका गोविन्द गौतमको शालिक अनावरण गरिएको छ ।

दुई वर्षअघि सीमा रक्षाका क्रममा शहीद हुनुभएका गौतमको सम्झनामा पुनर्वासमा निर्माण गरिएको शालिकको बिहीबार अनावरण गरिएको हो । शालिक अनावरण कार्यक्रममा बोल्दै सुदूरपश्चिम प्रदेश नेकपा संसदीय दलका प्रमुख सचेतक तारा लामा तामाङले गौतमले देशको सीमा रक्षाका क्रममा ज्यान गुमाएको उल्लेख गर्दै प्रदेश सरकारले शहीदको सधैँ सम्मान गर्ने बताउनुभयो ।

उहाँले गौतमको सम्झनामा अहिले पार्कको स्थापना मात्र गरे पनि आउँदाे आर्थिक वर्षका लागि ३० लाख बजेट विनियोजन गरिएको बताउनुभयो ।

उहाँले गौतमको सम्मानका लागि पनि स्मृति पार्कलाई यस क्षेत्रकै पर्यटकीय क्षेत्रमा रुपमा विकास गरिने बताउनुभयो । गौतमको शालिक निर्माणका लागि सुदूरपश्चिम प्रदेश सरकारको प्रदेश पूर्वाधार विकास योजनाबाट ८ लाख र पार्क निर्माणका लागि पुनर्वास नगरपालिकाबाट ५ लाख रुपैयाँ बजेट विनियोजन गरिएकाे थियाे । स्मृति पार्क शहीद गौतमको आफ्नै ५ कठ्ठा जमिनमा निर्माण गरिएको छ ।

पुनर्वासकाे आनन्द बजारमा कल्भर्ट बनाउने क्रममा विवाद हुँदा २०७३ फाल्गुन २६ गते भारतीय सुरक्षाकर्मीको गोली लागेर गाैतमकाे ज्यान गएको थियो ।
सीमा रक्षाका लागि शहीद भएका गौतमको सम्मानमा राज्यले स्मृति पार्क निर्माण गरेपछि शहीद परिवार खुशी भएकाे छ ।

आफ्नो छोराको शालिक हेर्ने चाहना पटूरा भएको शहीद गोविन्दका पिता खेमलाल गौतमले बताउनुभयो । सरकारले विवादित क्षेत्रमा सीमा स्तम्भहरु बनाए छोराको आत्माले शान्ति पाउने उहाँको भनाइ छ ।

कञ्चनपुरको दक्षिणी क्षेत्रमा भारतीय पक्षको अतिक्रमणका कारण बर्सेनि विवाद हुने गर्दछ । सीमा विवाद अन्त्य गर्न दुवै देशका संयुक्त सीमा सर्भे टोलीले नक्साङ्कनको काम गरे पनि हालसम्म सीमा स्तम्भ भने निर्माण हुन सकेका छैनन् ।

भारतले पुनर्वास, बेलौरीलगायतका सीमा क्षेत्रमा कुनै पनि पक्की संरचना निर्माण गर्न नदिएको स्थानीयको आरोप छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्