बाढी पहिरोबाट ज्यान गुमाएकाहरुकाे परिवारलाई प्रदेश १ सरकारले दुई-दुई लाख रुपैयाँ दिने

 असार २९, २०७६ आइतबार १९:४०:२९ | सुमन तिमल्सिना
unn.prixa.net

फाइल तस्बिर

माेरङ - एक नम्बर प्रदेश सरकार मन्त्रिपरिषदको आइतबार बसेको बैठकले बाढी, पहिरो र डुबानबाट ज्यान गुमाएकाहरुकाे परिवारलाई दुई-दुई लाख रुपैयाँ दिने निर्णय गरेको छ ।

प्रदेशभर अविरल वर्षाको कारण गएको पहिरो बाढी र डुबानबाट भएको ठुलो जनधनको क्षति प्रती प्रदेश सरकारले दुख ब्यक्त गर्दै सो निर्णय गरेको हो ।

त्यस्तै प्रदेश सरकारले घाइतेहरुको सरकारी अस्पतालमा उपचारको सम्पूर्ण खर्च बेहोर्ने निर्णय गरेको सरकारका प्रवक्ता आन्तरिक मामिला तथा कानुनमन्त्री हिक्मतकुमार कार्कीले जानकारी दिनुभयाे । घाइतेको निजी अस्पतालमा उपचार गरे बापत बढिमा ५० हजार रुपैयाँसम्म सरकारले भुक्तानी गर्ने पनि प्रदेश सरकारले निर्णय गरेको छ ।

बैठकमा उद्धार, राहत, पुनःस्थापना र बेपत्ताको खोजीका लागि सबै पक्षसँग अपिल गर्ने निर्णय गरिएको प्रवक्ता कार्कीले बताउनुभयाे । 

अन्तिम अपडेट: साउन १, २०७६

सुमन तिमल्सिना

उज्यालोका माेरङ सहकर्मी सुमन तिमल्सिना विराटनगरको स्काई एफएममा पनि काम गर्नुहुन्छ । 

तपाईको प्रतिक्रिया