अमेरिका–इरान तनाव: इरानी राष्ट्रपति रुहानी भन्छन्–अमेरिकाले प्रतिबन्ध हटाए वार्ताका लागि तयार छौँ

असार ३०, २०७६ सोमबार १६:५८:५० | एजेन्सी

अमेरिका र इरानबीच बढ्दै गएको तनावलाई लिएर इरानका राष्ट्रपति हसन रुहानीले वार्ताका लागि सकारात्मक संकेत दिएका छन् ।

राष्ट्रपति रुहानीले यदि अमेरिकाले सबै प्रतिबन्ध हटाउन र धम्क्याउन बन्द गर्ने हो भने आफूहरु वार्ताको लागि तयार भएको बताए । साथै उनले अब इरान जुनसुकै कारबाहीको जवाफ दिन तयार रहेको पनि प्रष्ट पारे ।

यता अमेरिका–इरान तनाव बढ्दै गएपछि बेलायत, फ्रान्स र जर्मनीले वार्ता जारी राख्न अपिल गरेका छन् । ‘आफूले उठाएको कदमको परिणाम के हुन्छ ? सबै पक्षले गम्भीर भएर सोच्नुपर्छ,’ युरोपेली देशहरुले जारी गरेको संयुक्त बयानमा भनिएको छ ।

गएको वर्ष अमेरिकी राष्ट्रपति डोनाल्ड ट्रम्पले अन्तर्राष्ट्रिय परमाणु सम्झौताबाट अलग हुने फैसला गरेका थिए । त्यसपछि अमेरिका र इरानको सम्बन्धमा चिसो आएको थियो । यी दुई देशबीचको सम्बन्ध बिग्रँदै गएपछि अमेरिकाले इरानमाथि कैंयौ कडा प्रतिबन्ध पनि लगाएको छ ।

कुवेतमा युरोपेली संघका प्रतिनिधिहरुसँग कुरा गर्दै संस्थाकी विदेश नीति प्रमुख फेडेरिका मोघिरिनीले युरोपियन संघ र कुवेत यी दुई देशबीचको तनाव समाप्त गर्न चाहेको बताइन् ।

उनले भनिन्, ‘हाम्रो अर्थात् युरोपियन संघ र कुवेतको विचार एउटै छ । हाम्रो यो साझा क्षेत्रमा संघर्ष र युद्धको आवश्यकता छैन ।’

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्