सुनसरीको दुहबीका १५ घर बाढीले बगायो

साउन १०, २०७६ शुक्रबार १३:५९:२८ | सुमन तिमल्सिना

मोरङ – सुनसरीको दुहबीका १५ घर बाढीले कटान गरेर बगाएको छ । बुढीखोला र टेङ्ग्रा खोलामा आएको बाढीका कारण दुहबी नगरपालिका –४ मालहट्टीमा १० घर र वडा नम्बर १ को मुसहर बस्तीका ५ घर बगाएको हो ।

वर्षाका कारण बुढीखोलामा आएको बाढीले दुहबी–४ का १० घर कटानमा परेपछि स्थानीयलाई सुरक्षित स्थानमा सारिएको थियो। बाढीका कारण ३० ओटा घर उच्च जोखिममा रहेको इलाका प्रहरी कार्यालय दुहबीले जनाएको छ ।

बुढीखोला र टेङग्रा खोलाको संगम स्थलमा रहेको घरहरु बाढीले बगाउन थालेपछि उनीहरुलाई सुरक्षित स्थानमा सारिएको इलाका प्रहरी कार्यालय दुहबीका प्रहरी निरीक्षक रामनारायण माझीले जानकारी दिनुभयो ।

विस्थापित परिवारलाई इलाका प्रहरी कार्यालयको सहयोगमा दुहबी–४ मा रहेको वीपी आधारभुत विद्यालय र मदरसा इस्लाहुलमा राखिएको दुहबी–४ का वडाध्यक्ष राजन बस्नेतले जानकारी दिनुभयो ।

वडाध्यक्ष बस्नेतले बुढीखोला र टेङग्रा खोलामा तीव्ररुपमा कटान भइरहेकोले सतर्कता अपनाउन आग्रह गर्नुभयो । त्यस्तै, दुहबी नगरपालिका– १ को मुसहर बस्तीका ५ घर पनि खोलाले बगाएको प्रहरी निरीक्षक माझीले बताउनुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्