आयरल्यान्ड–उल्भ्ससँगकाे खेलमा नेपाल 'ए' टस जितेर बलिङ गर्दै
चैत १६, २०८० शुक्रबार
भोजपुरको रामप्रसाद राई गाउँपालिका –१ मा रहेको एनसेलको टावरमा आगजनी भएको छ ।
एनसेलको टावरमा रहेको ५ वटा सोलार प्यानल तोडफोड गर्नुका साथै एक थान इन्जिनसमेत जलाइएकाे जिल्ला प्रहरी कार्यालय भोजपुरका प्रहरी निरीक्षक पाण्डवकुमार राजवंशीले बताउनुभयो ।
आगो कसले र किन लगायो भन्नेबारे केही जानकारी आएको छैन । घटनाको अनुसन्धान भइरहेको प्रहरीले जनाएको छ ।
यस्तै, गोरखाको पालुङटार नगरपालिका–८ धुवाँकोटमा रहेको एनसेल टावरमा पनि आगजनी भएको छ ।
जिल्ला प्रहरी कार्यालय गोरखाका अनुसार बुधबार राति ११ बजे तिर आगजनी भएको हो । आगजनीमा संलग्नको खोजी भइरहेको प्रहरी उपरीक्षक ओमप्रसाद अधिकारीले बताउनुभयो ।