पर्सा बजार अनुगमन : बोरामा थोरै चामल राख्ने र तराजु नवीकरण नगर्ने ११ उद्योगलाई मुद्दाको तयारी

भदौ ४, २०७६ बुधबार १२:३३:३१ | उज्यालो सहकर्मी

काठमाण्डौ – नापतौल तथा गुणस्तरको पालना नगर्ने ११ ओटा उद्योग तथा पसलविरुद्ध नापतौल तथा गुणस्तर कार्यालय वीरगञ्जले मुद्दा दायर गर्ने तयारी गरेको छ ।

मंगलबार वीरगञ्जसहित पर्साका केही उद्योग र पसलमा अनुगमन गर्दा ११ ओटा उद्योग तथा फर्मले नापतौल तथा गुणस्तर कायम नगरेको पाइएको कार्यालयका प्रमुख शशिभुषण यादवले उज्यालो अनलाइनलाई जानकारी दिनुभयो ।

अनुगमनका क्रममा शिवम एग्रो प्रालीले २० किलोको चामलको बोरामा ८० ग्रामसम्म कम चामल राख्ने गरेको पाइएको छ । यस्तै जगदम्बा डिस्ट्रिब्युटर, मरुनी रवर इन्डस्ट्रिज, ओम खाद्य उद्योग, गंगा खाद्य उद्योग, दिपेश खाद्य उद्योग, चाँदनी खाद्य उद्योग, चन्दन राइस मिल्स र जगदम्बा पलास्टिक उद्योगले नापतौल यन्त्र नलिएको र लिएकाले पनि नवीकरण नगराएको भेटिएको छ ।

उनीहरुलाई तीन दिनभित्र कार्यालय उपस्थित हुन भनिएको र चित्तबुझ्दो जवाफ नदिए अथवा मापदण्ड पालना नगरेमा स्टाण्र्डड नापतौल ऐन २०२५ अनुसार एकवर्ष कैद र १० हजार रुपैयाँसम्म जरिवानाको माग राखेर मुद्दा दायर हुने कार्यालय प्रमुख यादवले बताउनु भयो ।

अन्तिम अपडेट: फागुन १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्