अमेरिका : युट्यूबमा भिडियो हेरेर महिलाले फेला पारिन् ३.७२ क्यारेटको हिरा

भदौ ५, २०७६ बिहीबार १२:३३:५६ | एजेन्सी

वर्तमान समयमा हरकोही मानिसहरु इन्टरनेटको प्रयोग गरेर फरक–फरक किसिमका चीजहरु खोज्ने गर्दछन् । साथै युट्युब हेरेर पनि धेरैले नयाँ नयाँ कुरा थाहा पाउने गर्दछन् ।

यही सन्दर्भमा अमेरिकामा सबैलाई हैरान बनाउने खबर सार्वजनिक भएको छ । अमेरिकामा एक महिलाले युट्यूबमा भिडियो देखेर ३ दशमलव ७२ क्यारेटको हिरा फेला पारेकी छिन् । ती २७ वर्षीया महिलाको नाम मिरान्डा होलिंगशेड हो ।

स्टेट पार्कका अधिकारीहरुले यो कुराको जानकारी दिएका हुन् । अधिकारीहरुका अनुसार ती महिला परिवारहरुसँग अर्कन्सास इलाकाका पार्कमा घुम्न गएकी थिइन् । घुम्दै गर्दा ती महिला यस्तो स्थानमा पुगिन्, जहाँ वर्षाैँ पहिले हिरा पाइने गर्दथ्यो ।

मिरान्डा एउटा रुखको फेदमा बसिन् र हिरा कसरी पाइन्छ भनेर सोच्न थालिन् । त्यसपछि उनले युट्यूबमा केही भिडियो देखिन् र एउटा लट्ठीको सहाराले खन्न थालिन् । झण्डै १० मिनेटपछि पहेँलो रंगको चमकदार टुक्रा फेला पर्यो ।

त्यसपछि होलिंगशेडले त्यो हिराको टुक्रा डायमण्ड डिस्कभरी सेन्टरमा लिएर गइन् र पार्कका कर्मचारीहरुले त्यो हिरा भएको बताए । कर्मचारीहरुले हालै भएको वर्षाका कारण हिरा जमिनको सतहमा आएको बताए ।

उनले फेला पारेको हिराको अनुमानित मूल्य झण्डै ११ लाख ४५ रुपैयाँ बराबर रहेको अधिकारीहरुले बताएका छन् ।

अर्कान्सस् पार्कमा मानिसहरुले हिरा फेला पारेको छुट्टै इतिहासहरु छन् । गएको वर्ष एक जना ३६ वर्षीय पुरुषले २ दशमलव १२ क्यारेटको हिरा र अर्का एक जना व्यक्तिले १ दशमलव ५२ क्यारेटको हिरा फेला पारेका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्