सहर कुरुप भएको निहुँमा महानगर र इन्टरनेट सेवा प्रदायक कम्पनीबीचको विवाद चुलियो

असार २८, २०७५ बिहीबार १६:५९:१० | उज्यालो सहकर्मी

काठमाडौं – काठमाडौं महानगरपालिकाले सहर कुरुप बनाएको भन्दै इन्टरनेट सेवा प्रदायक कम्पनीका गाडी र कर्मचारीलाई पक्राउ गर्न थालेपछि दुई निकायबीच विवाद बढ्दै गएको छ ।

हिजो महानगरपालिकाको १६ नम्बर वडाले ३ वटा इन्टरनेट सेवा प्रदायक कम्पनीका गाडी र कर्मचारीलाई पक्राउ गरेर प्रहरीमा बुझाएको थियो । तर आज इन्टरनेट सर्भिस प्रोभाइडर एशोसिएसन अफ नेपालका संयोजक विनोद जोशीको नेतृत्वमा कम्पनीका प्रतिनिधि वडा कार्यालय पुगेर इन्टरनेट सेवाको लागि बिजुलीका खम्बाबाटै तार लैजानुको विकल्प नभएकाले समस्या बुझिदिन आग्रह गरेका थिए ।

खम्बाबाट तार लैजान नपाउने भए अर्को उपाय दिन इन्टरनेट सर्भिस प्रोभाइडर एशोसिएसन अफ नेपालका संयोजक विनोद जोशीले माग गर्नुभयो । तर वडाध्यक्ष मुकुन्द रिजालले भने खम्बामा जेलिएका तार सहरबासीका लागि धराप भएको भन्दै शहर कुरुप भएको र तारबाट हुने जोखिमको लागि इन्टरनेट सेवा प्रदायक नै जिम्मेवार हुनुपर्ने बताउनुभयो ।

इन्टरनेट सेवा प्रदायकले जथाभावी तार तान्ने गरेको र आफ्नो तार मर्मत गर्दा महानगर र प्रहरीका सीसीटीभीका तार नै काटिदिएको पनि वडाअध्यक्ष रिजालले आरोप लगाउनुभयो । शहर कुरुप नबनाइकन कसरी इन्टरनेट सेवा दिने भन्ने विषयमा सरोकालवालाबीच थप छलफल गरेर टुंगोमा पुग्ने सहमतिपछि पक्राउ परेका इन्टरनेट सेवा प्रदायक कम्पनीका कर्मचारी छुटेका छन् ।

अन्तिम अपडेट: फागुन २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्