रुसी राष्ट्रपति पुटिन ढिलो–चाँडो वार्तामा आउनैपर्छ : बेलायती प्रधानमन्त्री स्टार्मर

चैत २, २०८१ शनिबार १८:१७:१८ | एजेन्सी

बेलायतका प्रधानमन्त्री किअर स्टार्मरले रुसका राष्ट्रपति भ्लादिमिर पुटिन ढिलो–चाँडो वार्तामा आउनैपर्ने बताउनुभएको छ ।

युक्रेनमा शान्ति सुनिश्चित गर्न आयोजित भर्चुअल बैठकमा बेलायती प्रधानमन्त्री स्टार्मरले विश्वका नेताहरूलाई पुटिन ढिलो–चाँडो वार्ताको टेबलमा आउनुपर्छ भन्नुभएको बीबीसीले जनाएको छ । यस्तै उहाँले विश्वका नेताहरूलाई युक्रेनमा सम्भावित शान्ति सम्झौताको रक्षा गर्न तयार रहन पनि आग्रह गर्नुभएको छ ।

यसअघि बेलायती प्रधानमन्त्री स्टार्मरले रुसी राष्ट्रपति पुटिन शान्तिको बारेमा गम्भीर नभएको आरोप लगाउँदै रुसमाथि दबाव जारी राख्न विश्व नेताहरूलाई आग्रह गर्नुभएको थियो । उहाँले पुटिनलाई अमेरिकी राष्ट्रपति डोनाल्ड ट्रम्पको युद्धविराम प्रस्तावहरूसँग खेल खेल्न अनुमति दिन नसकिने भन्दै आफ्ना समकक्षीहरूलाई युक्रेनका लागि सुरक्षा ग्यारेन्टी प्रदान गर्न आग्रह गर्नुभएको हो ।

युक्रेनमा शान्ति सुनिश्चित गर्न आयोजित भर्चुअल बैठकमा युरोपेली साझेदारहरू, ईयू आयोग, नेटो, युक्रेन, क्यानडा र अन्यसहित झन्डै २५ जना नेता उपस्थित रहेका बेलायती प्रधानमन्त्री स्टार्मरको कार्यालय डाउनिङ्ग स्ट्रीटले बताएको छ ।

अमेरिकाले प्रस्ताव गरेको ३० दिने युद्धविरामलाई युक्रेनी राष्ट्रपति भोलोदिमिर जेलेन्स्कीले समर्थन गरे पनि रुसी राष्ट्रपति पुटिनले अझै अनुमोदन गर्नुभएको छैन । अमेरिकी राष्ट्रपति ट्रम्पले आफू सम्झौताका लागि आशावादी रहेको र पुटिनसँग राम्रो र उत्पादक वार्ता भएको बताउनुभएको बीबीसीको खबरमा उल्लेख छ ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुसी राष्ट्रपति पुटिन ढिलो–चाँडो वार्तामा आउनैपर्छ : बेलायती प्रधानमन्त्री स्टार्मर

तस्वीर : एजेन्सी

तपाईको प्रतिक्रिया