पहिरोले थुनिएको सभाखोला बग्न थाल्यो

भदौ २६, २०७६ बिहीबार ९:३६:२५ | नवीन गुरुङ

संखुवासभा – वर्षाका कारण संखुवासभाको सभापोखरी गाउँपालिका–४ फाक्सीबुङमा पहिरो झरेर थुनिएको सभाखोलाको पानी विस्तारै बग्न थालेको छ ।

बुधबार दिउँसो करिब साढे २ बजेतिर वर्षाका कारण खसेको पहिरोले सभाखोला थुनिएको थियो । सभापोखरी गाउँपालिकाको केन्द्र बाह्रबिसे बजारभन्दा तीन किमि उत्तरमा रहेको फाक्सीबुङको पाखो नै बगेर सभाखोला थुनिएको थियो । खोला थुनिएर करिब तीन सय मिटरभन्दा ठूलो ताल बनेको थियो ।

यो पनि पढ्नुहोस्

संखुवासभाको सभाखोला पहिराेले थुनियो : बाह्रबिसे बजार नै जोखिममा

बिहीबार बिहानैदेखि जमेको पानी विस्तारै खोलिएर बग्न थालेकाले जोखिम घटेको सभापोखरी–६ नम्बरका वडाध्यक्ष विकास पौडेलले बताउनुभयो । उहाँको अनुसार, बुधबार राति पनि ठूलो वर्षा भए पनि थप पहिरो नझरेको र थुनिएको ठाउँको पानी विस्तारै बग्न थालेको बताउनुभयो ।

पहिरोले थुनिएको सभाखोलाको वारिपट्टि फाक्सीबुङ पर्छ भने पारिपट्टि खेवारिङ पर्दछ । पहिरोसँगै ठूलाठूला ढुङगाहरु झरेर खोला नै थुनिएकाले सबै पानी एकैपटक खोलिने सम्भावना नभएको स्थानीयको अनुमान छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्