महाअभियोग मामिला: ट्रम्प डेमोक्रेटिक पार्टीका नेतासँग रुष्ट

असोज १६, २०७६ बिहीबार १३:१२:३२ | एजेन्सी

अमेरिकी राष्ट्रपति डोनाल्ड ट्रम्पले डेमोक्रेटिक पार्टीका नेताहरुमाथि आफूविरुद्ध महाअभियोगको योजना बनाएको आरोप लगाएका छन् ।

डेमोक्रेटिक पार्टीका नेताहरुले देशलाई कसरी राम्रो बनाउन सकिन्छ भनेर सोच्नुको सट्टा चुनाव जित्न महाअभियोगको योजना बनाएको आरोप लगाएका उनकाे भनाइ छ ।
ट्रम्पले डेमोक्रेटिक पार्टीका नेताहरुलाई अभद्र भाषाको प्रयोग गर्दै बेइमानी गरेको र देशद्रोहीसम्म भन्न भ्याए ।

कांग्रेसको एक समितिले ट्रम्पविरुद्ध लागेको आरोपको सम्बन्धमा सबै दस्तावेज मागेकाे छ । ट्रम्पमाथि युक्रेनका राष्ट्रपति भोलोदिमिर जेलेन्स्कीसँग भएको वार्तामा उनीमाथि एक जना डेमोक्रेट नेता र उनका छोराविरुद्ध भ्रष्टाचारको जाँच सुरु गर्नका लागि दबाब दिएको आरोप छ ।

तर ट्रम्पले भने यी सबै आरोपलाई लगातार नकार्दै आएका छन् । डेमोक्रेट नेताहरुले यो जाँचको बचाउ गर्दै यसलाई निष्पक्ष ढंगले पूरा गर्ने प्रतिबद्धता जनाएका छन् ।

के हो ट्रम्पविरुद्ध जाँचको विषय ?

राष्ट्रपति डोनाल्ड ट्रम्पविरुद्ध महाअभियोग मामिलामा जाँच सुरु भैसकेको छ । उनीमाथि आफ्ना एक जना प्रतिद्वन्द्वीविरुद्ध योजना बनाएको आरोप लगाइएको छ । जाँचमा आरोप पुष्टि भए ट्रम्पलाई उनको पदबाट हटाउन सकिनेछ ।

यो विवाद यही वर्षको २५ जुलाईमा राष्ट्रपति भवनबाट गरिएको एउटा फोन कलसँग जोडिएको छ । त्यो फोनको पूरा जानकारी व्हिसलब्लोअरले मागेको थियो ।
व्हिसलब्लोअर एक अमेरिकी अधिकारी थिए, जसको उजुरीपछि यो विषयलाई तत्काल ध्यानमा लिन योग्य र विश्वसनीय मानिएको थियो । डेमोक्रेट सांसदहरुले उनको उजुरीको प्रतिलिपि संसदमा पेश गर्न माग गरे ।

त्यसपछि अमेरिकी संसदको तल्लो सदन प्रतिनिधि सभाकी सभामुख न्यान्सी पलोसीले राष्ट्रपति ट्रम्पविरुद्ध महाअभियोगको प्रक्रिया सुरु गर्ने घोषणा गरेकी थिइन् ।

‘युक्रेनका राष्ट्रपति भोलोदिमिर जेलेन्स्कीसँग भएको फोन वार्तामा ट्रम्पले उनलाई जो बाइडेन र उनका छोराविरुद्ध भ्रष्टाचारको विषयमा जाँच गर्न दाबाब दिएको थिए’, ट्रम्पविरुद्ध आरोप लगाइएको छ ।

जो बाइडेन डेमोक्रेटिक पार्टीका नेता हुन् र आगामी राष्ट्रपतीय चुनावमा पार्टीका उम्मेदवार पनि हुन सक्छन् । यसको मतलब उनी चुनावमा राष्ट्रपति ट्रम्पको प्रतिद्वन्दी हुन सक्छन् । बाइडेनका छोरा युक्रेनको एक ग्यास कम्पनीमा काम गर्दथे ।

अहिलेसम्म यो विषयमा बाइडेनविरुद्ध कुनै सबुत सार्वजनिक भएको छैन ।

डेमोक्रेट नेताहरुले युक्रनेका नयाँ राष्ट्रपति जेलेन्स्की सत्तामा आउँदा ट्रम्पले युक्रेनलाई दिँदै आएको सहयोग रोक्ने फैसला गरेको आरोप लगाएका छन् ।
ट्रम्पले आफ्नो फाइदाको लागि सन् २०२० मा हुने अमेरिकी राष्ट्रपतीय चुनावमा युक्रेनको हस्तक्षेपको कोसिस गरिरहेको पनि बताइएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्