कपिलवस्तु नगरपालिकाका जनप्रतिनिधिले दशैँ भत्ता लिए: उपप्रमुख गुप्ताको भने ‘नोट अफ डिसेन्ट’

असोज १९, २०७६ आइतबार २०:११:४५ | गोपाल भण्डारी

कपिलवस्तु - कपिलवस्तु नगरपालिकाका निर्वाचित जनप्रतिनिधिहरुले दशैं भत्ता लिने निर्णय गरेका छन् ।

कर्मचारीहरुले १ महिना बराबरको तलब दशैं खर्च वापत पाउने सरकारी नियम भए जस्तै नगरपालिका प्रतिनिधिहरुले पनि कार्यपालिका बैठकमा निर्णय गरी भत्ता लिने निर्णय गरेका हुन् ।

नगर कार्यपालिकाको यस्तो निर्णयप्रति नगर उपप्रमुख लक्ष्मी देवी गुप्ताले भने असहमति जनाउनुभएकाे छ । नगर क्षेत्रका जनताको करबाट उठेको रकम कर्मचारी सरह दशैं भत्ता लिन नहुने उहाँकाे भनाइ थियाे ।

कार्यपालिकाको निर्णय प्रति आपत्ति जनाउँदै उपप्रमुख गुप्ताले भन्नुभयाे, ‘प्रतिनिधिले पनि कर्मचारी सरह दशैं खर्च लिनु नगरवासीको अपेक्षा विपरीत हो, म त दशैं खर्च लिन्न । त्यसकारण निर्णय पुस्तिकामा मैले लिखित असहमति जनाएकी छु ।’

तौलिहवा उद्योग वाणिज्य संघका पूर्व अध्यक्ष सन्तोष कुमार कसौधनले नगर क्षेत्रको विकासमा ध्यान दिन छोडेर आफ्ना सेवा सुविधा बढाउनतिर मात्रै जन प्रतिनिधिहरु लागेको आरोप लगाउनुभयाे । जनतालाई कर माथि कर थप्दै गर्ने र आफ्नो सुविधा मात्रै बढाउने पद्धतिबाट नगरको विकास हुन नसक्ने उहाँकाे भनाइ थियाे।

उता वास्तविक कर्मचारीहरु भने दशैं खर्च पाउनबाट वञ्चित भएका छन् । नगरपालिका अन्तरगतका १२ वटा वडामा कार्यरत सामाजिक परिचालकहरुलाई भने नगरपालिकाले दशैं खर्च उपलब्ध गराएको छैन । श्रम ऐनमा उल्लेख भएको मापदण्ड अनुसार तलब समेत उनीहरुलाई दिईएको छैन । मासिक १२ हजार रुपैयामा उनीहरु कार्यरत छन् । सामाजिक परिचालकहरुका लागि दशैं खर्च दिने, उनीहरुको सेवा सुविधा बढाउने तर्फ भने नगर कार्यपालिकाको ध्यान पुग्न नसकेको एक सामाजिक परिचालकले जनाए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्