जनकपुर विमानस्थलमा ताेडफाेड गर्ने सांसद साह काठमाण्डाैबाट पक्राउ

असोज २८, २०७६ मंगलबार १४:७:३९ | उज्यालो सहकर्मी

काठमाण्डाै - साेमबार विमानस्थलमा तोडफोड गरेको आरोपमा राष्ट्रिय जनता पार्टी (राजपा नेपाल)का सांसद प्रमोद साहलाई मंगलबार प्रहरीले नियन्त्रणमा लिएको छ ।

सोमबार जनकपुर विमानस्थलमा तोडफोड गरेका साहलाई प्रहरीले त्रिभुवन अन्तर्राष्ट्रिय विमानस्थलबाट मंगलबार नियन्त्रणमा लिएको हो । जिल्ला प्रहरी कार्यालय धनुषामा गैर सैनिक हवाइ उडान ऐेन अन्तर्गत मुद्दा दर्ता भएका साहलाई जिप्रका धनुषाकै अनुराेधमा पक्राउ गरिएकाे महानगरीय प्रहरी कार्यालय रानीपाेखरीका प्रवक्ता प्रहरी वरिष्ड उपरीक्षक (एसएसपी) किरण बज्राचार्यले जानकारी दिनुभयाे ।

पक्राउ परेका साहलाई मंगलबारै जनकपुर पठाइने तयारी भइरहेकाे एसएसपी बज्राचार्यकाे भनाइ छ ।

यता, जिल्ला प्रहरी कार्यालय धनुषाका प्रहरी प्रमुख प्रहरी उपरीक्षक (एसपी) शेखर खनालले सांसद साहमाथि गैर सैनिक हवाइ उडान ऐन २०१५ अन्तर्गत उजुरी परेपछि पक्राउ गर्न पत्र काटेकाे स्पष्ट पार्नुभयाे ।

सम्बन्धित समाचार

जनकपुर विमानस्थलमा राजपा सांसद साहद्वारा तोडफोड, व्यवस्थापक र सांसदबीच कुटाकुट

मंगलबार प्रतिनिधिसभाको उद्योग, वाणिज्य तथा उपभोक्ता हित संरक्षण समितिअन्तर्गत अनुगमन उपसमितिको टोलीमा सहभागी भएर ओखलढुंगा जान लागेकाे बेला उहाँलाई प्रहरी नियन्त्रणमा लिएकाे हाे ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्