निर्माण सामग्री बिक्रीमा ठगी गरेको आरोपमा २३ जना डिपो सञ्चालक पक्राउ

कात्तिक १, २०७६ शुक्रबार १७:२:३९ | उज्यालो सहकर्मी

काठमाण्डौ – निर्माण सामग्री बिक्रीमा ठगी गरेको आरोपमा शुक्रबार काठमाण्डौका २३ वटा डिपोका सञ्चालकहरु पक्राउ परेका छन् ।

महानगरीय अपराध महाशाखाले शुक्रबार काठमाण्डौमा पत्रकार सम्मेलन गरी स्वयम्भू, बालाजु र महाराजगञ्जबाट इँटा, गिटी, बालुवालगायतका निर्माण सामग्री ठगीको आरोपमा २३ वटा डिपोका सञ्चालकहरु पक्राउ गरिएको जानकारी गराएको हो ।

उपभोक्ता हित संरक्षण मञ्चलगायतले उजुरी जारी गरेपछि छापा मार्दा २३ वटा डिपोका सञ्चालकहरुलाई पक्राउ गरी गठी मुद्दामा अनुसन्धान सुरु गरिएको महाशाखाका प्रमुख वरिष्ठ प्रहरी उपरीक्षक(एसएसपी) सहकुलबहादुर थापाले जानकारी दिनुभयो । उनीहरुको साथबाट प्रहरीले ३५ वटा ट्रक पनि नियन्त्रणमा लिएको छ ।

महाशाखाका अनुसार उनीहरुले ट्रक भित्रै बाकसजस्ता फलामका बस्तु बनाएर निर्माण सामग्रीको बिक्रीमा ठगी गर्ने गरेको पाइएको छ । एसएसपी थापाले काठमाण्डौमा निर्माण सामग्रीको ठगीमा परेका उपभोक्तालाई प्रहरीमा उजुरी दिन आग्रह गर्दै सम्बन्धित डिपोबाट क्षतिपूर्ति दिने व्यवस्था मिलाउने पनि बताउनुभयो ।

यसरी ठगी गरी पक्राउ पर्नेमा ‘बाघे’ भनिने जेबीएस सप्लायर्सका सुकबहादुर लामा पनि रहेका छ्न । उनले स्वयम्भूमा सञ्चालन गरिरहेको डिपोबाट बालुवा बिक्री गर्दै आएका थिए ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्