भान्जाको छोरालाई आफ्नो छोरा बनाएर नागरिकता बनाउन खोज्दा २ जना पक्राउ

कात्तिक ६, २०७६ बुधबार २०:२२:५३ | उज्यालो सहकर्मी

कपिलवस्तु - झुक्याएर नागरिकता बनाउन खोजेको आरोपमा जिल्ला प्रशासन कार्यालय कपिलवस्तुबाट २ जना पक्राउ परेका छन् ।

पक्राउ पर्नेहरुमा कपिलवस्तु नगरपालिका वडा नम्बर–८, कुवागाउँका जमदार बढई मुसलमान र उनका भान्जा यशोधरा गाउँपालिका वडा नम्बर–४, पोखरभेटवाका सावर अली मुसलमानका छोरा १७ वर्षीय समीउल्लाह मुसलमान रहेका छन् ।

आफ्नो भान्जाको छोरालाई आफ्नो छोरा भनी झुटो विवरण पेश गरी नागरिकता बनाउन खोज्दा जमदार बढई र उनका भान्जाको छोरा कागजमा झुटो विवरण पेश गरी छोरा बनाइएका समीउल्लाह मुसलमान रहेको प्रहरीले जनाएको छ ।

कपिलवस्तु नगरपालिकाको वडा नं. ८ को वडा कार्यालयबाट उनीहरुले नागरिकताका लागि सिफारिस पत्र बनाएर जिल्ला प्रशासन कार्यालय लगेका थिए । त्यस वडाका वडाध्यक्ष शिवप्रसाद पाण्डेयले नागरिकताका लागि गरेको सिफारिस पत्रमा झुटो विवरण उल्लेख भएको थाहा पाएपछि सिफारिस पत्र बदर गर्न र नियमअनुसार कारबाही अघि बढाउन जिल्ला प्रशासन कार्यालय पुग्नु भएको थियो । त्यसैको आधारमा उनीहरु पक्राउ परेको प्रहरीले जनाएको छ ।

पक्राउ परेका जमदार बढई मुसलमानको सन्तान छैनन् । आफ्ना भान्जाका छोरालाई आफ्नो छोरा बनाएर उनले नागरिकता बनाइ आफ्नो सम्पत्ति दिन खोजेका थिए । पक्राउ परेका समीउल्लाहले जमदारको हेरचाह गर्दै आएका थिए । पक्राउ परेका दुई जना जिल्ला प्रहरी कार्यालयको नियन्त्रणमा रहेका छन् ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्