भारतमा तीन जना नेपाली मजदुरको हत्या गरेको आरोपमा एक नेपाली पक्राउ

कात्तिक १३, २०७६ बुधबार २०:११:४७ | जयराज अवस्थी

बैतडी – भारतको पिथौरागढमा बैतडीका तीन जना नेपाली मजदुरको हत्या गरेको आरोपमा भारतीय प्रहरीले एक जना नेपालीलाइ पक्राउ गरेको छ ।

पक्राउ पर्नेमा बैतडीको पुर्चौडी नगरपालिका वडा न ५ घर भई मजदुरीका लागि पिथौरागढमा काम गर्दै आइरहेका मृतकका भतिजा नाता पर्ने धनबहादुर बोहरालाई भारतीय प्रहरीले पक्राउ गरेको हो ।

पिथौरागढमा काम गर्दै आइरहेका नेपाली मजदुरहरुको हत्या गरेको आरोपमा भारतीय प्रहरीले उनलाई पक्राउ गरेको हो । शुक्रबार तीन जना नेपालीको लिङ्ग काटेर हत्या भएको भारतीय प्रहरीले जनाएको थियो ।

भारतको पिथौरागढमा मजदुरी गरिरहेका बैतडीको पुरचौडी नगरपालिका–५, दहतोलीका हरिश बोहरा, उहाँका सहोदर भाइ वीरा बोहरा र पुरचौडी नगरपालिका–४, भटनाका काशी बोहराको कात्तिक १० गते लिङ्ग काटिएको अवस्थामा पिथौरागढको दुर्गम गाँउको एक घरमा भारतीय प्रहरीले शव फेला परेको थियो ।

मजदुरहरुको हत्या आरोपमा पक्राउ परेका धनबहादुर बोहरा मृतक हरिश बोहराको भतिजा पर्ने पनि भारतीय प्रहरीले बताएको छ । धनबहादुर बोहरालाई भारतीय प्रहरीले कात्तिक ११ गते पिथौरागढबाट झण्डै १२० किलोमिटर टाढा रहेको मुस्यारीबाट पक्राउ गरेको हो । घटनाको अनुसन्धान गर्न बैतडीबाट पनि प्रहरीे सहायक निरीक्षक श्यामसिंह महराको नेतृत्वमा जिल्ला प्रहरी कार्यालय बैतडीले एउटा टोली भारत पठाएको थियो ।

हत्या गरेको आरोपमा पक्राउ परेका धनबहादुरले आफूले नै हत्या गरेको बयान दिइसकेको प्रहरी सहायक निरीक्षक महराले बताउनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्