पाँच किलो सुन तस्करी काण्डमा थप दुई जना पक्राउ

कात्तिक १८, २०७६ सोमबार १७:१५:३८ | नवीन गुरुङ

सखुंवासभा – भोटखोला गाउँपालिका २ को घट्टेखोलामा गएको असोज २७ गते पाँच किलो सुनसहित पक्राउ परेका तोप्चेन भोटेको बयानको आधारमा थप दुई जना पक्राउ परेका छन् ।

पक्राउ पर्नेमा खाँदबारी नगरपालिका १ का जर्का भोटे र भोटखोला गाउँपालिका घर भइ खाँदबारी बस्दै आएका छ्याङरिन्जीन भोटे रहेको जिल्ला प्रहरी कार्यालय संखुवासभाका प्रहरी निरीक्षक (इन्स्पेक्टर) सन्तोष राईले बताउनुभयो । उहाँकाअनुसार तोप्चेनको बयानको आधारमा उनीहरु दुवै जनालाई प्रहरीले खाँदबारीबाट पक्राउ गरेको हो ।

विशेष सुराकीको आधारमा प्रहरीले गएको असोज २७ गते मकालु गाउँपालिका ४ घर भइ खाँदबारी नगरपालिका १ बस्ने २६ वर्षीय तोप्चेन भोटेलाई पक्राउ गरेको थियो ।

पक्राउ परेका तोप्चेन भोटेलाई थप अनुसन्धानका लागि राजश्व अनुसन्धान विभाग हरिहर भवन ललितपुरमा राखिएको छ । उनको बयान लिने काम भैरहेको र बयानका आधारमा ती दुई जना पक्राउ परेको प्रहरीले जनाएको छ ।

सम्बन्धित समाचार

पाँच किलो सुन र ३८ हजार रुपैयाँसहित संखुवासभाबाट एक जना पक्राउ

पाँच किलो सुनसहित पक्राउ परेका तोप्चेनलाई प्रहरीले गर्‍यो सार्वजनिक

पाँच किलो सुनसहित पक्राउ परेका तोप्चेन भोटेलाई थप अनुसन्धानका लागि काठमाण्डौ पठाइयो

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्