सम्पत्ति शुद्धीकरण विभागका महानिर्देशककाे भनाइ: सबै मेडिकल कलेज अनुसन्धानको दायरामा छन्

मंसिर १, २०७६ आइतबार २०:४६:१६ | विष्णु विश्वकर्मा

काठमाण्डाै - तीन वटा निजी मेडिकल कलेजमाथि छापा मारेको सम्पत्ति शुद्धीकरण अनुसन्धान विभागका महानिर्देशक रुपनारायण भट्टराईले सबै मेडिकल कलेज अनुसन्धानको दायरामा रहेको बताउनु भएको छ ।

राष्ट्रिय सतर्कता केन्द्रको छानबिन प्रतिवेदन पाएका भट्टराईले विद्यार्थीबाट अतिरिक्त शुल्क लिएर ठगी गरेका कलेजमाथि अनुसन्धान शुरु भएकाले सबै कलेजमा छापा मार्ने संकेत गर्नु भएको हो ।

‘अनुसन्धान अधिकृतहरुले आफ्नो काम सुरु गर्नु भएको छ’, विभागका निर्देशक भट्टराईले उज्यालोसँग भन्नुभयो, ‘सबै कलेज अनुसन्धानको दायरामा छन् ।’

सतर्कता केन्द्रले नोबेल, नेश्नल र चितवन मेडिकल कलेजसहित १२ वटा मेडिकल कलेजले विद्यार्थीबाट अतिरिक्त शुल्क लिएर २ अर्ब ८५ करोड रुपैयाँ ठगी गरेको छानबिन प्रतिवेदन सार्वजनिक गरेको थियो ।

अहिले केही मेडिकल कलेजमाथि छापा मारेको शुद्धिकरण विभागले बाँकी अरु कलेजमाथि पनि अनुसन्धान गर्ने तयारी गरेको छ ।

‘हामीले प्रतिवेदन पाएपछि गहिरो अध्ययन थालेका छौँ’, उहाँले भन्नुभयो, ‘बिस्तारै अरु कलेजमाथि पनि अनुसन्धान अगाडी बढाउँछौँ ।’

यसअघि यातायात व्यवस्था विभागमा रहेका भट्टराईले सिण्डिकेट गर्ने यातायात व्यवसायीमाथि कडा कदम चाल्नुभएको थियो । भट्टराईकै कदमबाट सरकार ले सिण्डिकेट गर्ने व्यवसायीलाई कारबाहीको दायरामा ल्याएको थियो ।

पछि यातायातमन्त्री रघुबीर महासेठ र भट्टराईबीच आन्तरिक विवाद भएपछि भट्टराईलाई मन्त्रालय तानिएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विष्णु विश्वकर्मा

उज्यालोमा कार्यरत विष्णु विश्वकर्मा कृषि र राजनीतिक क्षेत्रमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्