बैतडीमा नेपाली कांग्रेसका उम्मेदवारमाथि हातपात

मंसिर १२, २०७६ बिहीबार १२:२३:१ | जयराज अवस्थी

बैतडी – बैतडीमा नेपाली कांग्रेसका उमेदवारमाथि हातपात भएको छ । जिल्लाको दोगडाकेदार गाउँपालिका– ४ मा नेपाली कांग्रेसबाट वडा अध्यक्षका उम्मेदवार सुरेन्द्रप्रसाद भट्टमाथि हातपात भएको हो ।

बुधबार राति १० : ३० बजे नेकपाका कार्यकर्ताहरुले आफूमाथि हातपात गरेको र आफूले भागेर ज्यान जोगाउन सफल भएको नेपाली कांग्रेसका उमेदवार भट्टले जानकारी दिनुभयो ।

दोगडाकेदार गाउँपालिका–४ को मटेला भन्ने ठाउँमा आफूमाथि हातपात भएको उहाँले बताउनुभयो । आफ्नो कार्यकार्तालाई नेकपाका कार्यकर्ताहरुले नियन्त्रणमा लिएर आफूलाई फोन गर्न लगाएको र उनीहरुलाई छुटाउन जाँदा आफूमाथि नै हातपात भएको उम्मेदवार भट्टले जानकारी दिनुभयो ।

नेपाली कांग्रेसका उम्मेदवार भट्टमाथि हातपात भएको मौखिक जानकारी मात्र आएको प्रमुख जिल्ला अधिकारी आनन्द पौडेलले बताउनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्