तराईका जिल्लामा शीतलहर, मौसम पूर्वानुमान महाशाखाले निकाल्यो विशेष बुलेटिन

 पुष २, २०७६ बुधबार १६:४०:३० | उज्यालो सहकर्मी
unn.prixa.net

काठमाण्डाै - शीतलहरका कारण पश्चिम तराईको जनजीवन प्रभावित भएको छ । मौसमविद् विभूति  पोखरेलका अनुसार शीतलहरका कारण पश्चिम तराईका बढी प्रभावित बनेको छ । कैलाली, कञ्चनपुर, बाँके, बर्दिया, दाङ, कपिलवस्तु, रुपन्देहीलगायत ठाउँमा शीतलहर बढेको छ ।

यस्तै मध्य तराई र पूर्वी तराईका चितवन, पर्सा, बारा, रुपन्देही, सर्लाही धुनुषा, महोत्तरी, सप्तरी, सिराह, मोरङ, झापालगायतका केही ठाउँमा पनि शीतलहर देखिएको छ ।

यी जिल्लाका धेरैजसो ठाउँमा बाक्लो हुस्सु र कुहिरोसँगै पानीका थोपा नै झर्न थालेकाले शीतलहरको घोषणा गरेको मौसमविद् पोखरेलले बताउनुभयो । उहाँका अनुसार एक दुई दिन यी क्षेत्रमा चिसो अझै बढ्ने सम्भावना छ ।

अबको २४ घण्टा पनि तराईका धेरैजसो ठाउँमा बाक्लो हुस्सु र कुहिरो लाग्ने र तापक्रम घट्ने भएकाले चिसो बढ्ने भन्दै मौसम पूर्वानुमान महाशाखाले विशेष बुलेटिन निकालेर सचेत पनि गराएको छ । घाम नलाग्ने र चिसाे बढ्ने भएकाले त्यसबाट बच्न सबैलाई आग्रह गरेकाे छ ।

तराईसँगै पहाडी र हिमाली जिल्लामा पनि चिसो बढेको छ । 

अन्तिम अपडेट: साउन १, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • बिष्णु प्रसाद खनाल

    Dec. 25, 2019, 12:26 p.m.

    जाडोको राहत सामग्री वितरण गर्न सरकारलाई आह्वान गर्दछु

  •  0 Reply

तपाईको प्रतिक्रिया