सगरमाथा टी स्टेटका म्यानेजरलाई लक्षित गरी गोली प्रहार

पुष ४, २०७६ शुक्रबार १७:५:३३ | नवीन गुरुङ

संखुवासभा – संखुवासभाको धर्मदेवी नगरपालिका–३ स्थित मुडे शनिश्चरेमा रहेको सगरमाथा टी स्टेटका म्यानेजर हर्क कुलुङ राईलाई लक्षित गरी गोली प्रहार भएको छ ।

बिहीबार राति १० बजेतिर कोठामा सुतिरहेको अवस्थामा नचिनेका मानिसको समूहले राईलाई लक्षित गरी गोली प्रहार गरेकोे संखुवासभाका प्रहरी नायब उपरीक्षक(डीएसपी) मिमबहादुर लामाले बताउनुभयो ।

म्यानेजर राई सकुशल भने हुनुहुन्छ । बाहिरबाट गोली चलाएपछि कोठामा नै लुकेर ज्यान बचाउन सफल भएको म्यानेजर राईले बताउनु भएको छ । म्यानेजर राई टी स्टेटको क्वार्टरमा बस्दै आउनु भएको थियो । उहाँ सुत्ने कोठाको ढोका तोडफोड गरी हात छिराएर गोली प्रहार भएको प्रहरीको भनाइ छ ।

डीएसपी लामाले घटनास्थलबाट खबर आउन साथै त्यस क्षेत्रमा प्रहरी टोली परिचालन भइसकेकाले अनुसन्धान गर्ने काम भइरहेको बताउनुभयो ।

व्यक्तिगत रिसइवीका कारण तर्साउनका लागि घटना घटाएको जस्तो देखिएको डीएसपी लामाको भनाइ छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्