काठमाण्डाै - धनगढी ब्लुज पोखरा प्रिमियर लिग क्रिकेटमा लिग चरणबाटै बाहिरिएको छ ।

आइतबार बुटवल ब्लास्टर्ससँग ७ विकेटले पराजित भएपछि धनगढीको यात्रा लिग चरणमा नै सकिएकाे हाे । यो जितले बुटवलले भने प्लेअफको सम्भावना निकै बलियो बनाएको छ ।

टस हारेर ब्याटिङको निम्तो पाएको धनगढीका लागि कप्तान दिपेन्द्र सिंह ऐरीले ६१ रन बनाएका थिए। उनी ४५ बलमा ६ चौका र २ छक्काको मद्दतले ६१ रन बनाएर आउट भए । त्यस्तै सन्दीप जोराले पनि ३२ बलमा ३९ रन बनाए।

सौरभ खनालले पनि १० रनको योगदान गरेका थिए । बाँकी अन्य खेलाडीले दोहोरो अंकमा रन जोड्न सकेनन् ।

बुटवलका लागि अभिनाश बोहराले ४ तथा ललित सिंह भण्डारीले ३ र सोमपाल कामीले १ विकेट लिएका थिए ।

जवाफमा बुटवलले ओभरमा दुई विकेट गुमाउँदै लक्ष्य पूरा गर्‍यने । उत्कृष्ट सुरुवात गरेको बुटवलले पहिलो विकेटका लागि अर्धशतकीय साझेदारी गरेको थियो । उसका ओपनर अफ्ताबुद्दिन अहमदले विस्फोटक ५२ रन बनाए । जसमा उनले २३ बलमा एक चौका र सात छक्का प्रहार गरे । ५३ रनमा पहिलो विकेट गुमाएको बुटवलले एक सय ५ रनमा दोस्रो विकेट गुमायाे ।

दोस्रो विकेटका लागि पनि हर्ष टोंकले २१ बलमा ४० रन बनाए । उनले तीन चौका र चार छक्का प्रहार गरे ।