काठमाण्डौ - नेपालका लागि चिनियाँ राजदूत होउ यान्छीको ट्विटरमा फलो, ट्याग, ट्वीट र रिट्वीट गरेबापत आकर्षक पुरस्कार पाइने भएको छ ।

यान्छीले डिसेम्बर २६ मध्यान्ह १२ बजेसम्म आफूलाई ट्वीटरमा फलो गर्नेमध्ये पाँच जनालाई चिनियाँ चलचित्र महोत्सवको टिकटमार्फत पुरस्कृत गर्ने घोषणा गर्नुभएको हो ।

राजदूत यान्छीको पोस्टलाई फलाे मात्रै नगरी रि–ट्विट, कमेन्ट र एक जना साथीलाई ट्यागसमेत गर्नुपर्नेछ । २७ डिसेम्बरबाट काठमाण्डाैमा सुरु हुने चिनियाँ चलचित्र महोत्सवलाई लक्षित गर्दै राजदूत यान्छीले यस्तो प्रतियोगिताकाे घोषणा गर्नुभएकाे हाे । उहाँले पुरस्कृतलाई महोत्सवकै दुई वटा टिकट उपलब्ध गराउने जनाउनु भएकाे छ।

The Opening Ceremony of Chinese Film Festival will be held on December 27 in Kathmandu.

-Follow me and retweet this post
-Comment on this post and tag 1 friend
-Ends at 12:00 AM on December 26

2 tickets will be given away to the Top 5 winners with the most likes! Good Luck! pic.twitter.com/nSL4wpiarl

— Ambassador Hou Yanqi (@PRCAmbNepal) December 24, 2019

चिनियाँ चलचित्र महोत्सव काठमाण्डौ, पोखरा र लुम्बिनीमा गरी ८ जनवरीसम्म चल्नेछ। हालसम्म उहाँको ट्विटरमा नेपाल ह्याण्डलको फलोअर संख्या साँढे ९ हजारभन्दा बढी रहेकाे छ ।