पाेखरा प्रिमियर लिग : बुटवललाई हराउँदै विराटनगर प्लेअफमा

पुष ९, २०७६ बुधबार १५:३२:५९ | उज्यालो सहकर्मी

कास्की - बुटवल ब्लास्टर्सविरुद्ध ६ विकेटकाे रोमाञ्चक जित निकाल्दै विराटनगर टाइटन्स पोखरा प्रिमियर लिगको प्लेअफमा पुगेको छ । विराटनगरको याे जितले काठमाण्डाै गोल्डेन्सको शीर्ष ३ मा पुग्ने सपना अधुरो बनेको छ ।

पोखरा क्रिकेट मैदानमा टस हारेर पहिले ब्याटिङको निम्तो पाएको बुटवलले २० ओभरमा ७ विकेट गुमाउँदै १३३ रन बनायो । उसका तीन खेलाडीले मात्र दोहोरो अंक जोड्न सके ।

सुरुवात राम्रो गर्न नसके पनि उसका हर्ष टोंकले उत्कृष्ट ब्याटिङ गरे । टिमको खातामा शून्य रन हुँदा पहिलो विकेट गुमाएको बुटवलले ३२ रनमा दोस्रो विकेट खेर फाल्यो । त्यसपछि ४७ रनमा तेस्रो विकेट गुमाएको बुटवलले ९१ रनमा चौथो र एक सय १५ रन बनाउँदा पाँचौँ विकेट गुमायो । त्यसपछि एक सय २६ रन हुँदा बुटवलले सात विकेट गुमायो ।

शंकर रानाले २ रन बनाए भने भिम सार्की पाँच रनमा आउट भए । यस्तै आजको खेलमा कप्तानी गरेका सिद्धान्त लोहनी ११ रनमा बाहिरिँदा हर्षले टाेंकले ६७ रनको पारी खेले । उनले ४४ बलमा ६ चौका र ५ छक्का प्रहार गरे ।

बलिङतर्फ किशोर महतोले दुई तथा मुहम्मद जेइद आलमले तीन विकेट लिए ।

बलिङमा किशोर महतोले दुई तथा मुहम्मद जेइद आलमले तीन विकेट लिए । जवाफमा विराटनगरलाई सो लक्ष्य १२ ओभर २ बलमा पूरा गर्नुपर्ने दबाब थियो । तर उसले आक्रामक ब्याटिङ गर्दै ११ ओभर ४ बलमा लक्ष्य पूरा गर्यो ।

गतिलो सुरुवात गर्न नसकेको विराटनगरले २६ रनमा पहिलो विकेट गुमायो । उसका ओपनर लोकेश बम १३ रनमा आउट भए । त्यसपछि ३१ रन हुँदा कप्तान प्रदिप ऐरी व्यक्तिगत ५ रनमा आउट भए ।

विराटनगरको स्कोर ५८ रन हुँदा तेस्रो विकेट झर्यो । उसका मुहम्मद जेइद आलम २४ रनमा आउट भए । उनले १० बलमा ४ चौका र एक छक्का प्रहार गरे । त्यसपछि पुनील मेहरा ३२ रनमा आउट हुँदा विराटनगरले ९२ रनमा चौथो विकेट गुमायो । उनले १६ बलमा तीन चौका र एक छक्का प्रहार गरे ।

विराटनगरको स्कोर ९७ रन हुँदा सुनील धमला व्यक्तिगत दुई रनमा आउट भएपछि पाँचौँ विकेट गुम्यो । त्यसपछि पुष्प थापा र नोमन खानले विराटनगरलाई जितको नजिक पुर्‍याएका थिए । उनले २२ बलमा ३५ रन बनाए ।

यो जितपछि विराटनगरले रनरेटमा काठमाण्डौलाई पछि पार्दै प्लेअफमा पुग्यो । अब उसले इलिमिनेटरमा फेरीपनि बुटवलसँग नै खेल्नेछ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्