कृष्णनगर सीमा नाकाबाट दालको तस्करी मौलाउँदै

साउन ४, २०७५ शुक्रबार २१:५:३१ | गोपाल भण्डारी

कपिलवस्तु – पछिल्लो समय कृष्णनगर सीमा नाकाबाट दालको अवैध ओसारपोसारको कारोबार मौलाउन थालेको छ ।

सरकारले नेपालबाट भारततर्फ मुसुरो बाहेक अन्य दालहरु निर्यात गर्न पूर्ण प्रतिबन्ध लगाएको छ । तर सीमा क्षेत्रमा खटिएका सुरक्षाकर्मीहरुसँगको मिलोमतोमा प्रतिबन्धित दालको अवैध निर्यात बढेको छ ।

कृष्णनगर बजारबाट सीमा नाका पार गर्दै दैनिक रुपमा भारतीय बजार बढनीमा ठूलो परिमाणमा दाल भारत तर्फ चोरी तस्करी भैरहेको छ । दाल कारोबारमा संलग्न रहेका व्यापारीहरुले नेपाल तर्फबाट २५ देखि ४० किलो सम्मको बोरामा रहेको दाललाई भंसार नगरी कृष्णनगर भंसार कार्यालयसँगै पश्चिम तर्फको सीमा क्षेत्रबाट भारत पठाइरहेका छन् । यसरी दालको अवैध ओसारपोसार गर्न व्यापारीहरुले पुरुषहरुका साथै महिलाहरुलाई पनि ढुवानीकर्ताको रुपमा प्रयोग गरिरहेका छन् ।

नेपालमै अपुग रहेको दाल भारततर्फ निकासी गर्नु गैरकानुनी रहेको प्रमुख अधिकृत पूण्यप्रसाद खड्काले बताउनुभयो । ‘नेपालबाट भारत तर्फ निकासी गर्न मिल्ने मुसुरो दाल मात्र हो’, प्रमुख भंसार अधिकृत खड्काले भन्नु भयो, ‘नेपालमै दालको अभाव भएका कारण सरकारले दाल निकासीमा पूर्ण प्रतिवन्ध लगाएको छ तर मसुरो दाल भने प्रति किलो १ रुपैयाका दरले भंसार गर्न सकिने कानुनी व्यवस्था छ ।’

समाचार संकलनका क्रममा उभिएका सञ्चारकर्मीहरुले दाल ओसारपोसारमा संलग्न रहेका व्यापारीहरुसँग सामान्य नागरिकको ढंगबाट कुरा गर्दा आफूहरुको सेटिङ सीमा क्षेत्रमा खटिएका सशस्त्र प्रहरी र नेपाल प्रहरीसंग भएको बताए ।

राज्यले सीमा क्षेत्रमा हुने अवैध चोरी तस्करी नियन्त्रणका लागि सशस्त्र प्रहरीलाई जिम्मेवारी दिएको भए पनि सशस्त्र प्रहरीकै मिलोमतोमा कृष्णनगर सीमा क्षेत्रमा चोरीतस्करी मौलाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्