उत्तर प्रदेशका २१ जिल्लामा इन्टरनेट बन्द

पुष ११, २०७६ शुक्रबार १४:१:१९ | एजेन्सी

काठमाण्डौ – नागरिकता संशोधन कानुन (सीएए) लाई लिएर भएको हिंसापछि उत्तर प्रदेश सरकारले शुक्रबार हुने जुमेको नमाजलाई लिएर २१ जिल्लाको इन्टरनेट सेवा बन्द गरेको छ ।

उत्तर प्रदेश पुलिसका डीजीपी ओपी सिंहले उत्तर प्रदेशको ७५ जिल्लामध्ये २१ वटा जिल्लामा शुक्रबार इन्टरनेट सेवा बन्द हुने जानकारी दिए ।

उनले भने, ‘राज्यमा कानुनी व्यवस्था पूरै नियन्त्रणमा छ, सुरक्षाबलको विभिन्न टिम जुटेको छ । हामीले २१ वटा जिल्लामा इन्टरनेट सेवा बन्द गरेका छौँ, स्थिति सामान्य हुँदै गएपछि इन्टरनेटमाथिको प्रतिबन्ध हटाइने छ ।’

नागरिकता संशोधन कानुनको विरोधमा सबैभन्दा हिंस्रक आन्दोलन उत्तर प्रदेशमा देखिएको थियो । प्रदर्शनको क्रममा उत्तर प्रदेशमा प्रदर्शनकारीको ज्यान पनि गएको छ ।

याे पनि पढ्नुस्

भारत इन्टरनेटमा प्रतिबन्ध लगाउने देशमध्ये सबैभन्दा अगाडि

भारतीय सञ्चारमाध्यमका अनुसार गएको हप्ता प्रहरी र प्रदशर्नकारीबीच भएको झडपमा ज्यान गुमाउने १६ जनामध्ये १४ जनाको गोली लागेर मृत्यु भएको हो । एक वरिष्ठ प्रहरी अधिकारीले यसबारेमा अखबारसँग भनेका थिए ।

प्रहरीले भने आफूहरुले प्लास्टिक र रबरको गोलीबाहेका अरुको प्रयोग नगरेको बताउँदै आएको छ । समाचार एजेन्सी एएनआईले उत्तर प्रदेशका एडीजी (कानुन व्यवस्था) पीवी रामा शास्त्रीको भनाइलाई उद्धृत गर्दै भनेको छ, ‘हामीले राज्यको अलग अलग जिल्लामा सुरक्षकर्मी तैनाथ गरेका छौँ र मानिसहरुसँग कुराकानी गरिरहेका छौँ ।’

गएको १९ देखि २१ डिसेम्बरसम्म भएको प्रदर्शनमा उत्तर प्रदेशको कैयौँ भागमा हिंसा भड्किएको थियो । प्रहरीले आफ्नो कारबाहीलाई सही दाबी गर्दै विरोध प्रदर्शनको दौरान दुई जना प्रदर्शनकारीमाथि गोलाबारी गरेको तस्बिर र भिडियो एक सिरिज जारी गरेको थियो ।

उपमुख्यमन्त्री दिनेश शर्माले यो हिंसाले प्रहरीमाथि पनि धेरै नोक्सान पुगेको दाबी गरेका थिए । उनले पत्रकारसँग भने, ‘२१ जिल्लामा भड्किएको हिंसामा दुई सय ८८ पुलिसकर्मी घाइते भए, जसमा ६२ जना गोली लागेर घाइते भए ।’

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्