बैतडीको विकास खर्च निराशाजनक

पुष १२, २०७६ शनिबार १३:१०:१ | जयराज अवस्थी

बैतडी– बैतडीको प्रदेश र संघीय सरकार मातहतका सरकारी कार्यालयको चौमासिक विकास खर्च निराशाजनक देखिएको छ । चालु आर्थिक वर्षको चार महिनामा विनियोजित बजेटको चार प्रतिशतमात्रै विकास खर्च भएकाे छ ।

संघीय सरकार मातहत रहेको बृहत जलाधार केन्द्रले कुल पुँजीगत बजेट २ करोड ९९ लाख रुपैयाँमध्ये प्रथम चौमासिकमा १२ लाख १७ हजार रुपैयाँ मात्विरै कास निर्माणमा खर्चेको छ । यो खर्च विनियोजित बजेटको चार प्रतिशत मात्रै हो ।

यस्तै सडक डिभिजन कार्यालयले यही अवधिमा ७४ करोड ९ लाख ३० हजार पुँजीगत बजेटमध्ये २ करोड ६१ लाख ८६ हजार रुपैयाँ मात्रै खर्च गर्न सकेको छ । यो कुल पुँजीगत बजेटको साढे तीन प्रतिशत हो । नयाँ शहर आयोजनाको कुल पुँजीगत बजेट ५० लाखमध्ये कत्ति पनि खर्च हुन सकेको छैन् ।

यस्तै शिक्षा विकास तथा समन्वय इकाईको ४ करोड ४९ लाख ६० हजार बजेटमध्ये प्रथम चौमासिकसम्म पनि कुनै रकम खर्च हुन नसकेकाे कोष तथा लेखा नियन्त्रक कार्यालयका सहायक सूचना अधिकारी पूर्णानन्द जोशीले जानकारी दिनुभयो ।

आम नागरिक भने विकासका लागि छुट्याइएको रकम समयमा खर्च नहुँदा असारे विकासको प्रवृति दोहोरिने चिन्तामा परेका छन् । असारे विकासकाे प्रवृतिले गुणस्तरीय काम नहुने भएकाले विकास निर्माणका कार्य समयमै सञ्चालन हुनुपर्ने उनीहरुकाे माग छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्