सन् २०१९ : गाेलीकाण्ड र आक्रमणका हिसाबले अमेरिकी इतिहासकै खराब वर्ष

पुष १३, २०७६ आइतबार १२:१५:५६ | एजेन्सी

काठमाण्डौ – सन् २०१९ गोलीकाण्ड र आक्रमणका हिसाबले अमेरिकी इतिहासकै खराब वर्ष बनेको छ ।

अन्तर्राष्ट्रिय समाचार एजेन्सी एसोसिएटेड प्रेस (एपी), यूइसए टुडे तथा नर्थइस्टर्न विश्वविद्यायलयले सङ्कलन गरेको तथ्याङ्कले सन् २०१९ गोलीकाण्ड तथा आक्रमणका हिसाबले अमेरिकाका लागि अहिलेसम्मकै खराब वर्ष बनेको निष्कर्ष निकालेको हो ।

सन् २०१९ मा अमेरिकाको सार्वजनिक ठाउँमा ४१ वटा गोलीकाण्डका घटना हुँदा दुई सय ११ जनाको ज्यान गएको छ । सबैभन्दा धेरै क्यालिफोर्निया राज्यमा मानिस मारिएका छन् ।

सन् २००६ देखि सार्वजनिक ठाउँमा भएका अन्धाधुन्ध गोलीकाण्डको तथ्याङ्क राख्न थालिएको हो । तर पछिल्लो पटक गरिएको अनुसन्धानमा सन् १९७० यताका आमगोली काण्डका घटनाको अध्ययन गरिएको बीबीसीले जनाएको छ ।

सन् २०१९ मा अमेरिकामा अरु वर्षको तुलनामा सबैभन्दा धेरै गोलीकाण्ड भए पनि ज्यान गुमाउने सन्दर्भमा सन् २०१७ अगाडि रहेको छ । सन् २०१९ मा दुई सय ११ जनाले ज्यान गुमाउँदा सन् २०१७ मा दुई सय २४ जनाले ज्यान गुमाएका थिए ।

सन् २०१७ को लास भेगासमा भएको गोलीकाण्डमा सबैभन्दा धेरै ५९ जनाले ज्यान गुमाएका थिए । यौ नै एउटै गोलीकाण्डमा धेरैले ज्यान गुमाएको घटना हो ।

सन् २०१९ को सबैभन्दा भयानक गोलीकाण्डको कुरा गर्ने हो मे महिनामा भने भर्जिनिया बिचमा भएको गोलीकाण्डमा १२ जनाको ज्यान गएको थियो भने अगस्ट महिनामा ईआई पासोमा भएको गोलीकाण्डमा २२ जनाको ज्यान गएको थियो ।

अन्य धेरै गोलीकाण्ड पनि भएका थिए तर ती समाचारमा आउन सकेनन् किनकि त्यसमा पारिवारिक कारण, लागु पदार्थ दुव्र्यसनी, सामूहिक हिंसा लगायतका कारण देखाइएको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्