काठमाण्डाै - शहीद स्मारक ए डिभिजन लिगमा मच्छिन्द्र क्लवले अपराजित यात्रा कायमै राखेकाे छ । साेमबार भएकाे खेलमा मच्छिन्द्रले एनआरटी बिरूद्ध एक शून्यकाे जित निकाल्याे । जारी लिगमा उसकाे याे तेस्राे जित हाे ।

दशरथ रंगशालामा नेपाल भ्रमण वर्षको उद्घाटनको तयारी भइरहेका बेला एन्फाले चौथो चरणका खेलहरु सातदोबाटो मैदानमा गरेको हो । जसमा मच्छिन्द्रले अन्तिम समयमा गाेल गर्दै तीन अंक बटुल्याे ।

खेलमा मच्छिन्द्रले दबाब दिए पनि पाएका मौकाको सदुपयोग गर्न सकेन । दोस्रो हाफको अन्त्यतिर मच्छिन्द्रले दुई वटा उत्कृष्ट मौका पाएको थियो । तर उसका विदेशी खेलाडी गोल गर्न असफल रहे । तर खेलकाे ९० ‍औँ मिनेटमा मच्छिन्द्रले अग्रता बनायाे । उसका लागि विदेशी खेलाडी साेमीडीले गाेल गरे ।

त्यसकाे लगत्तै न्यूराेड टिमले गाेलकाे राम्राे अवसर पाएकाे थियाे । तर अन्तिममा चुक्न पुग्याे । यो जितपछि मच्छिन्द्रको चार खेलमा ९ अंक भएको छ ।