नेपालमा राजनीतिक आधार र एजेण्डा छ भन्नु नौटंकी हो : सञ्चार मन्त्री बास्कोटा

पुष १५, २०७६ मंगलबार १०:७:० | दुर्गा उपाध्याय

कञ्चनपुर – सञ्चार तथा सुचना प्रविधि मन्त्री तथा नेपाल सरकारका प्रवक्ता गोकुलप्रसाद बास्कोटाले नेपालमा कुनै राजनीतिक आधार र एजेण्डा नभएको बताउनुभएको छ ।

प्रेस संगठन कञ्चनपुरले मंगलबार महेन्द्रनगरमा आयोजना गरेको पत्रकार सम्मलेनमा बोल्दै मन्त्री बास्कोटाले नेपालमा कुनै राजनीतिक आधार र एजेण्डा नभएकाले कसैले त्यसो भने त्यो नौटंकी मात्रै हुने बताउनुभयो ।

उहाँले सरकारले देश निर्माणको प्रक्रियामा साथमा आउने जुनसकै दलसँग सहकार्य गरेर अगाडि बढ्ने बताउँदै प्रधानमन्त्रीले चाहे जुनसुकै बेलामा मन्त्रिपरिषद् पुनर्गठन हुन सक्ने स्पष्ट पार्नुभयो ।

साथै उहाँले सरकार विश्वसँग सँगै हिँड्न चाहेकाले भर्खरै विदेशी लगानी भित्र्याएको दाबी गर्नुभयो ।

कालापानी र लिपुलेकका बारेमा पत्रकारले सोधेको प्रश्नको जवाफमा मन्त्री बास्कोटाले भन्नुभयो, ‘कालापानी, लिपुलेक मात्रै नभइ लिम्पियाधुरा पनि नेपालकै भूमि हो ।’ तथ्य र प्रमाणहरुले पनि लिम्पियाधुरासम्म नेपालको भूमि हो भन्ने पुष्टि गरिसकेको उहाँले बताउनुभयो ।

‘यो विवाद पुरानो भएकाले यसमा भारतको समेत दाबी छ‘, उहाँले भन्नुभयो ‘तर भारतले पनि अन्तर्राष्ट्रिय मान्यताहरुलाई मान्नुपर्छ । त्यसैले हामीले ब्रिटिसकालीन सन्दर्भ सामग्रीलाई तथ्य बनाउनुपर्ने माग राखेका छौँ ।’

उहाँले यस विषयमा भारत सरकारलाई पत्र पठाइएको र त्यसको सकारात्मक जवाफ आएको बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्