कपिलवस्तुको मर्यादापुरबाट भारतीय सुरक्षाकर्मीद्वारा नेपाली नागरिक अपहरित

पुष १९, २०७६ शनिबार १६:५५:४४ | गोपाल भण्डारी

कपिलवस्तु - भारतीय सुरक्षाकर्मीले नेपाल भारत सीमाक्षेत्र अन्तर्गत मर्यादापुर सीमानाका नजिकबाट एक जना नेपाली नागरिकलाई अपहरण गरेका छन् ।

शनिबार दिउँसो २ बजे यशोधरा गाउँपालिका वडा नम्बर-८, मटेरियाका ४५ वर्षीय मुवारक खानलाई भारतीय सुरक्षाकर्मीले अपहरण गरेका प्रहरीले जनाएकाे छ ।

सादा पोशाकमा भारतीय नम्बरको जीपमा आएका ४ जना भारतीय सुरक्षाकर्मीहरुले खानलाई अपहरण गरी सीमा पार भारतको खुनुवा बजार तर्फ लगेका प्रहरीले बताएका छन् ।

अपहरणमा परेका खानले सीमा पारी खुनुवा बजामा मोटरसाइकल वर्कसप सञ्चालन गर्दै आएका थिए । खानलाई भारत तर्फ मोटरसाइकल चोरी तस्करी तथा अन्य आपराधिक क्रियाकलापमा संलग्न रहेको आरोपमा भारतीय सुरक्षाकर्मीहरुले पक्राउ गरेर लगेको हुनसक्ने प्रारम्भिक अनुमान गरिएको छ ।

प्रहरी चौकी मर्यादापुरका प्रहरीहरु र सीमा क्षेत्रमा खटिएका शशस्त्र प्रहरीको टोलीले भारतीय सुरक्षाकर्मीहरुको गाडी रोक्न प्रयास गरे पनि असफल भएको प्रहरीले जनाएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्