जेएनयू आक्रमणकाे नालीबेली : 'राजनीतिक रङ्गकाे संज्ञा'

पुष २१, २०७६ सोमबार १०:५४:३४ | एजेन्सी

काठमाण्डौ – दिल्लीको जवाहरलाल नेहरु विश्वविद्यालय (जेएनयू) मा आइतबार साँझ हिंसा भड्कियो । अनुहार ढाकेर आएका ५० भन्दा बढी जनाको समूहले छात्र र शिक्षकमाथि कुटपिट गर्नुका साथै हेस्टोलको भवनमा तोडफोड पनि गरे ।

आक्रमणमा दर्जनौँ विद्यार्थी घाइते भए । आइतबार साँझ के भएको थियो भन्ने कुराको नालीबेली अब सार्वजनिक भइरहेको छ । आक्रमणमा घाइते भएका केही विद्यार्थीहरुले यसबारेमा बताएका छन् ।

एबीवीपीका सदस्य शिवम चौरसिया जेएनयूमा पीएचडीका छात्र हुन्, उनीमाथि रडले आक्रमण गरियो । उनलाई डाक्टरले टाँका लगाए, उनको घाँटीको पछिल्लो भागमा पनि आक्रमण भएको थियो । शिवमका अनुसार यो सबै घटना रजिस्ट्रेशन शुल्कलाई लिएर भएको थियो । टाँका लगाइसकेपछि शिवमलाई एमस अस्पतालले डिस्चार्ज गरिदियो ।

बीवीपीका सदस्य मनीष पनि पीएचडीका छात्र हुन् । उनको हात फ्रयाक्चर भएको छ, रडबाट आक्रमण हुँदा उनको हातमा गम्भीर चोट लागेको थियो ।

याे पनि पढ्नुस्

जेएनयूमा ५० भन्दा बढी नकाबधारी समूहले विद्यार्थी कुटे, कैयौँ घाइते

विश्वविद्यालयमा भएको आक्रमणको विरोधमा दिल्ली र मुम्बईमा रातभर प्रदर्शन

रजिस्ट्रेशन शुल्क बढाइएको विषयलाई लिएर जवाहरलाल नेहरु विश्वविद्यायलयका छात्र लामो समयदेखि प्रशासनको विरोध गरिरहेका थिए । छात्रहरुले सडकमै उत्रेर विरोध प्रदर्शन गरे साथै केन्द्र सरकारविरुद्ध मोर्चा पनि निकालेका थिए ।

त्यसपछि छात्रहरुले सडकमा विरोध गर्नुको सट्टा विश्वविद्यालय परिसरमा विरोध प्रदर्शन गर्ने रणनीति अपनाए । उनीहरुले रजिस्ट्रेशनको पूर्ण बहिष्कार गर्दै नयाँ छात्रहरुलाई पनि रजिस्ट्रेशन गर्न दिएनन् । छुट्टाछुट्टै स्कुलको गेटमा पनि उनीहरुले धर्ना जारी राखे ।

यो समस्याको समाधान निकाल्न प्रशासनले रजिस्ट्रेशनको प्रक्रिया अनलाइनबाट गर्ने विकल्प राख्यो । तर वामपन्थी छात्रहरुले विश्वविद्यालय परिसरमा इन्टरनेट सेवा प्रतिबन्धित गरे, जसका कारण छात्रहरुले रजिस्ट्रेशन गर्न पाएनन् ।

आइतबार रजिस्ट्रेशनको अन्तिम दिन थियो । तर उनीहरुको विरोधका कारण धेरै विद्यार्थीले रजिस्ट्रेशन गर्न नपाउने अवस्था देखियो ।

आइतबार साँझ वामपन्थी छात्रहरुले साबरमती ढावा नजिक यही मुद्दालाई लिएर विरोध प्रदर्शन आयोजित गरेका थिए । यसैबीच झण्डै ५० जनाको समूहमा आएका मानिसहरुले आफूहरुमाथि आक्रमण गरेको वामपन्थी छात्रहरुको आरोप छ । आक्रमणमा धेरै विद्यार्थी घाइते भए र आक्रमणकारीहरुले प्राध्यापकलाई पनि छोडेनन् ।

राजनीतिक मुद्दाकाे आरोप

दिल्ली विधान सभा चुनावको प्रक्रिया चलिरहँदा छात्र र प्राध्यापकमाथि भएको आक्रमणलाई राजनीतिक रङ्गको संज्ञा दिइएको छ ।

काङ्ग्रेस नेता राहुल गान्धीले यो आक्रमणलाई छात्रहरुको आवाज दबाउने कोसिस भएको बताए । त्यस्तै, दिल्लीका मुख्यमन्त्री अरविन्द केजरीवालले पनि यो घटनाको कडा आलोचना गरेका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्