बैतडीमा रगतको अभाव हुन नदिन विद्यार्थीहरुको रक्त समूह पहिचान गरिँदै

पुष २२, २०७६ मंगलबार १३:३१:२२ | जयराज अवस्थी

बैतडी - दशरथचन्द नगरपालिकाभित्रका माध्यमिक विद्यालयमा कक्षा १० देखि कक्षा १२ सम्म अध्ययनरत विद्यार्थीहरुको रक्त समूह पहिचान गर्न थालिएको छ ।

जिल्लामा रक्त सञ्चार केन्द्र नहुँदा रगतको अभाव हुने भएकाले आवश्यक परेका बेला रगत सहज उपलब्धताका लागि रक्त समूह पहिचान गर्न थालिएको स्वास्थ्य कार्यालयका प्रमुख योगेशप्रसाद भट्टले बताउनुभयो ।

जिल्लामा रक्त सञ्चार केन्द्रको व्यवस्था नभएकाले विद्यार्थीहरुको रक्त समूह पहिचान गरी आवश्यक परेको बेला रगतको जोहो गर्न सजिलो होस् भनेर यो अभियान सञ्चालन गरिएको उहाँले बताउनुभयो । जिल्ला अस्पातलमा समेत अप्रेशन गरेर बच्चा जन्माउने सेवा रहेकाले त्यो बेला रगतको समस्या हटाउन यो अभियान सुरु गरिएको हाे ।

विद्यालयमै गएर विद्यार्थीहरुको रक्त समूह परीक्षण गरी त्यसको तथ्यांक जिल्ला अस्पताल, रेडक्रस र जिल्ला समन्वय समितिमा राखिने जिल्ला अस्पतालका ल्याब असिष्टेन्ट चन्द्र डोबालले बताउनुभयो । सदरमुकाम क्षेत्रका कक्षा १२ सम्म पढाइ हुने विद्यालयमा रक्त समूह पहिचान कार्यक्रम जारी रहेको र अहिलेसम्म ३ विद्यालयमा सो कार्यक्रम सम्पन्न गरिएको स्वास्थ्य कार्यालयले जनाएको छ ।

दशरथचन्द मावि, सुन्दरखालीमा ९३, जगदम्बा मावि रानीबुंगामा ६५ जना र दानेश्वर नागार्जुन मावि रातामाटामा ८७ जना विद्यार्थी रक्त समूह पहिचान गरिएको ल्याब असिष्टेन्ट डोबालले बताउनुभयो ।

विद्यालयमा विद्यार्थीहरुको रक्त समूह पहिचानले जिल्ला अस्पतालमा उपचार गराउन आउने बिरामीहरुलाई सजिलो हुने अस्पतालका निमित्त प्रमुख डा. बसन्तराज जोशीले बताउनुभयो । रक्त समूह पहिचानले रगतदान गर्ने बानीको समेत विकास हुने उहाँले बताउनुभयो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्