कोरोना भाइरस संक्रमित बिरामीको उपचारमा खटिएका डाक्टरकै ज्यान गयो, दुई वर्षकी बालिका पनि संक्रमित

 माघ ११, २०७६ शनिबार १०:५०:१४ | उज्यालो सहकर्मी
unn.prixa.net

चीनमा कोरोना भाइरस संक्रमित बिरामीको उपचारमा खटिएका एकजना डाक्टरकै ज्यान गएको छ । सिन्ह्वा अस्पताल वुहानमा कार्यरत ६२ वर्षका डाक्टर लियाङ वुदोङको शनिबार बिहान ज्यान गएको चिनियाँ समाचार संस्था साउथ चाइना मर्निङ पोष्टले जनाएको छ ।

प्रकोपकै रुपमा कोरोना भाइरस फैलिएको चीनमा उपचारमा संलग्न डाक्टरकै ज्यान गएको यो पहिलो घटना भएको खबरमा उल्लेख छ । अहिलेसम्म २९ वटा प्रान्तका १ हजार २ सय ८७ जनामा कोरोना भाइरस भएको पुष्टि भएकोमा ७ सय २९ जना हुवेईका बासिन्दा रहेको सरकारी अधिकारीले पुष्टि गरेका छन् ।

हुबेईमा अहिलेसम्म ३९ जनाको ज्यान गएको छ भने हेबेई र हेइलोङझियाङमा एक एक गरि ४१ जनाको ज्यान गैसकेको छ । शुक्रबारमात्रै हुबेइमा १ सय ८० जना कोरोना भाइरसका नयाँ विरामी थपिएका छन् ।

यस्तै ग्वान्झीमा दुई वर्षकी बालिकामा पनि कोरोनाको संक्रमण भएको पाइएको छ । अहिलेसम्म चीनबाट सुरु भएको कोरोना भाइरसको संक्रमण नेपालसहित अमेरिका, हङकङ, मकाउ, ताइवान, फ्रान्स लगायत १२ देशमा भेटिएको छ । 


 

अन्तिम अपडेट: जेठ ६, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया