राफेल नाडाल अष्ट्रेलियन ओपन टेनिसको चौथो चरणमा

माघ ११, २०७६ शनिबार १३:४५:१७ | उज्यालो सहकर्मी

शीर्ष वरीयताका राफेल नाडल अष्ट्रेलियन ओपन टेनिसको चौथो चरणमा पुगेका छन् ।

मेलबर्न पार्कमा भएको खेलमा आफ्नै देशका पाब्लो कारेनो बुस्टालाई ३–० को सोझो सेटमा हराउँदै चौथो चरणको यात्रा सुरक्षित गरे । १९ पटकका ग्राण्डस्लाम च्याम्पियन नाडलले ६–१, ६–२ र ६–४ को सेटमा हराए ।

प्रिक्वार्टर फाइनलमा नाडालले अष्ट्रेलियन खेलाडी निक किगियोस वा रसियन खेलाडी कारेन खाचानोभसँग प्रतिष्पर्धा गर्नेछन् ।

यस्तै पाँचौँ वरीयताका डोमिनिक थिम पनि चौथो चरणमा प्रवेश गरेका छन् । उनले अमेरिकाका टाइलर फ्रिट्जलाई ३–१ को सेटमा हराए । पहिलो दुई सेट ६–२ र ६–४ ले जितेका थिमविरुद्ध तेस्रो सेटमा फ्रिट्ज ६–७ ९५–७० ले विजयी भए ।

चौथो सेटमा ६–४ को जित निकाल्दै थिमले प्रिक्वार्टर फाइनलमा स्थान बनाए । फ्रेन्च खेलाडी गेइल मोन्फिल्स र रसियाका एन्द्रे रुब्लेभ पनि चौथो चरणमा स्थान बनाउन सफल भएका छन् ।

१० औँ वरियताका मोन्फिल्सले लाट्भियाका अर्नेस्ट गुल्बिसलाई ७–६, ६–४ र ६–३ ले हराए । त्यस्तै रुब्लेभले बेल्जियमका डेविड गोफिनलाई ३–१ ले हराए । पहिलो सेट २–६ ले गुमाएका रुब्लेभले पछिल्लो तीन सेटमा ७–६, ६–४ र ७–६ को जित निकालेका थिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्