बिग ब्याश लिग : क्रिश लिनकाे विकेटसँगै सन्दीपकाे ९९ टी–२० विकेट

माघ ११, २०७६ शनिबार १७:२:१३ | उज्यालो सहकर्मी

बिग ब्याश लिगमा ब्रिसबेन हिटविरुद्ध विकेट हात पार्दै नेपाली युवा बलर सन्दिप लामिछानेले ९९ टि–२० विकेट पूरा गरेका छन् ।

मेलबर्नमा भएको खेलमा १२औँ ओभरमा सन्दीपले क्रिश लिनलाई आउट गर्दै टी–२० मा विकेट संख्या ९९ पुर्‍याएका हुन् ।

सातौँ ओभरमा आफ्नो पहिलो स्पेल फालेका सन्दीपले जम्मा तीन रन दिए । कसिलो बलिङ गरेका उनकाे पहिलो बलमा बेन कटिङले रन लिन सकेनन् । दोस्रो बलमा उनले एक रन लिए । तेस्रो बलमा क्रिश लिनले एक रन लिए भने चौथो बलमा पनि कटिङले एक रन नै लिए । पाँचौँ बल डट फालेका सन्दीपको अन्तिम बल पनि डट रह्याे।

त्यसपछि उनले नवौँ ओभरमा तीन रन दिए । पहिलो बलमा एबी डी भिलियर्सले एक रन लिए। त्यसपछिको उनको दुई बललाई क्रिश लिने राम्रोसँग खेल्न सकेनन् । चौथो बलमा भने लिनले एक रन लिए । पाँचौँ बलमा रन लिन नसकेका डि भिलियर्सले अन्तिम बलमा भने एक रन लिए ।

त्यस्तै १२औँ ओभरमा तेस्रो स्पेल लिएर आएका सन्दीपको पहिलो बलमा डी भिलियर्सले एक रन लिए भने दोस्रो बलमा क्रिश लिनले दुई रन लिए । तेस्रो बलमा रन लिन नसकेका लिन चौथो बलमा भने क्याच आउट भए । क्रिश लिनले ३१ बलमा ३४ रन बनाएका थिए ।

सन् २०१८ आईपीएलबाट सिनियर टी–२० करियर सुरु गरेका सन्दीपले अन्तर्राष्ट्रिय टी–२० भने त्यसकाे २० दिन पछि खेलेका थिए । उनको पहिलो अन्तर्राष्ट्रिय म्याच आईसीसी विश्व एघारबाट थियो । जुन खेल उनले वेष्ट इण्डिजविरुद्ध लर्डसमा खेलेका थिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्