ए डिभिजन लिग : सरस्वतीद्वारा हिमालयन शेर्पामाथि चार-ती गोल अन्तरले पराजित

माघ १४, २०७६ मंगलबार १४:४१:४७ | उज्यालो सहकर्मी

काठमाण्डाै - शहीद स्मारक ए डिभिजन लिगमा सरस्वती युवा क्लबले पहिलो जित हात पारेको छ ।

एन्फा कम्पलेक्स सातदोबाटोमा भएको खेलमा रेलिगशेन जोनमा रहेको सरस्वतीले हिमालयन शेर्पामाथि ४–३ गोल अन्तरको जित हात पारेको हो । पाचौँ मिनेटमा सरस्वतीले कजीम बुसारीको गोलमा अग्रता लिएको थियो ।

पूर्णबहादुर श्रेष्ठको क्रसमा कजीमले गोल गरेका हुन् । १० औँ मिनेटमा शेर्पाका आशिष गुरुङले गोल फर्काए । ३५ औँ मिनेटमा कजीमको लङ रेन्जको पासमा बिनोद केसीले गोल गर्दै सरस्वतीलाइृ दुइ एक गोलको अग्रता दिलाए ।

पहिलो हाफको अन्तिम मिनेटमा खामिर कन्दाङवाले गरेको फितलो प्रहारलाई विजय श्रेष्ठले गोलमा परिणत गरेका थिए । ८३ औँ मिनेटमा कजिमले व्यक्तिगत दोस्रो गोल गर्दै सरस्वतीलाई तीन दुइ गोलले अघि बढाए । ८८ औँ मिनेटमा मनिष थापाको एकल प्रयासमा गोल भएपछि सरस्वतीले चार-दुईकाे अग्रता बनाएको थियो ।

इन्जुरी समयमा शेर्पाका रबी थापा मगरले गोल गर्दै अन्तर घटाएका थिए । जारी लिगमा यो सर्वाधिक गोल भएको खेल हो । जितसँगै रेलिगेशन जोनमा रहेको सरस्वतीले चार अंक जोडेको छ । उसले यसअघि सरस्वतीले ब्रिगेड ब्वाइजसँग गोलरहित बराबरी खेल्दै एक अंक जोडेको थियाे ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्