वीरेन्द्रनगरमा गोली चल्यो : बुधबार बिहानसम्म कर्फ्यु

माघ १४, २०७६ मंगलबार १९:०:५६ | मुना हमाल

सुर्खेत - सुर्खेतको वीरेन्द्रनगरमा टिप्परकाे ठक्करबाट एक जनाको ज्यान गएपछि सुरु भएको आन्दोलनले उग्र रुप लिएपछि प्रहरीले गोली चलाएको छ ।

प्रदर्शनमा गोली लागेर करिब ५ जना प्रदर्शनकारी र २२ जना प्रहरी घाइते भएका जिल्ला अधिकारी बसन्त अधिकारीले जानकारी दिनुभयाे । घाइतेहरुकाे स्थानीय सुर्खेत हस्पिटल र प्रदेश अस्पतालमा उपचार भइरहेको स्थानीय जानकारी दिएका छन् । तर, प्रहरीले गोली चलाएकाे तथ्य भने अस्वीकार गरेको छ ।

भिडले उग्र रुप लिएपछि नियन्त्रण गर्न आफूहरुले अश्रु ग्याँस र हवाई फायर मात्र गरेको जिल्ला प्रहरी कार्यालयका प्रमुख एसपी दिल्लीराज पन्तले जानकारी दिनुभयो । उहाँले भन्नुुभयो, ‘हामीले त्यसरी गोली हानेका छैनौँ । भिड ठूलो भएकाले घुसपैठ भएकाे हुनसक्छ । अज्ञात समूहले गोली चलाएको हुन सक्छ । त्यसैले हामीले कर्फ्यु लगाएका हौँ ।’

जिल्ला प्रशासन कार्यालयमा साँझ साढे ६ बजेदेखि भोलिबिहान ६ बजेसम्मका लागि कर्फ्यु लगाएको छ । आक्रोशित भएका आफन्तहरुले वीरेन्द्रनगर बजार बन्द गर्नुका साथै टायर बालेर प्रर्दशन गरेका छन्। उनीहरुले वीरेन्द्रनगर बजार क्षेत्रमा रहेका सार्वजनिक स्थलहरुमा तोडफोड समेत गरेका छन् ।

बिहान वीरेन्द्रनगरको जुुम्ला रोडमा टिप्परकाे ठक्करबाट कालिकोट महावै गाउँपालिका-३ का २० वर्षीय केशर सिंहको ज्यान गएको थियो । मृतक सिंह चढेकाे भे १ प २१७८ नम्बरको मोटरसाइकललाई भे १ ख २२४२ नम्बरकाे टिप्परले ठक्कर दिएको थियो ।

टिप्पर चालकलाई कडा कारबाही तथा क्षतिपूर्तिको माग गर्दै आन्दोलन गरिरहेका पीडित पक्ष र प्रशासनबीच केहीबेर अघिकाे छलफलमा तीन बुँदे सहमति भएकाे छ ।

टिप्पर चालकलाई हदैसम्मकाे कारबाही हुनुपर्ने, क्षतिपूर्ति दिइनुपर्ने र शवकाे पाेस्टमार्टम गर्ने सहमति भएकाे हाे ।

शवकाे पाेस्टमार्टम बाहेका अन्य दुई बुँदामा पीडितहरुले चित्त बुझाएका छैनन् । प्रदर्शनका क्रममा बजारका शिशा तथा सीसी क्यामेराहरु फुटाइएका छन् भने क्षतिकाे यकिन विवरण भने आइसकेकाे छैन ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्