भारतले दशगजा क्षेत्रमा एकतर्फी रुपमा बनाउँदै गरेको चेकपोष्टको काम रोक्यो

साउन ७, २०७५ सोमबार १९:३:५४ | शैलेन्द्र महतो

धनुषा – भारतीय पक्षले धनुषाको जटही दशगजा क्षेत्रमा भारतीय पक्षले एकतर्फी रुपमा बनाउँदै गरेको चेकपोष्ट तत्कालका लागि स्थगित गरेको छ ।

भारतीय कस्ट्युम अफिसले धनुषाको नगराइन नगरपालिका –२, जटही र भारतको मधुवनी जिल्लाको पिपरौन दशगजा क्षेत्रमा चेकपोष्ट निर्माण थालेको थियो ।

नेपाल सरकारको पहलमा तत्काल भारतीय पक्षले चेकपोष्ट निर्माण रोकेको धनुषाका प्रमुख जिल्ला अधिकारी गोपालप्रसाद पराजुलीले बताउनुभयो । उहाँले कति दिनका लागि रोकिएको विषयमा थाहा नभए पनि सीमाको यकिन सर्वेक्षण नभएसम्मका लागि रोकिएको बताउनुभयो ।

यता सशस्त्र प्रहरी धनुषाका उपरीक्षक राजु पाण्डे नेपाल सरकारको पहलमा वीरगञ्ज स्थित रहेको भारतीय बाणिज्य दूताबासले २–३ दिनको लागि रोकिएको जानकारी दिएको बताउनुभयो । उहाँले नेपालका नापी विभागका कर्मचारीलाई बोलाएर सीमा क्षेत्रको नापी गराउने सर्तमा निर्माण कार्य रोकेको जानकारी दिनुभयो ।

गएको जेठ २ गतेबाट एसपी ५१ र पिल्लर नम्बर २८४ र ३५ को बीचमा कस्ट्युम अफिसले चेक पोष्ट निर्माण सुरु गरेको थियो । जमुनी नदीको दक्षिणी किनारमा निर्माण गरिरहेको चेकपोष्ट तत्काल रोक्न भारतीय पक्षलाई पटक–पटक आग्रह गर्दा समेत पुनः बीच–बीचमा रोकेर चेकपोष्ट निर्माण जारी राखेका थिए । यस विषयमा सञ्चारमाध्यममा समाचार आएपछि नेपाल सरकारले पहलकदमी लिएको हो ।

गएको शनिबार मात्र संघीय सरकारका गृहमन्त्री रामबहादुर थापा बादलले जनकपुर आएका बेला सञ्चारकर्मीसँको कुराकानीमा पूर्व मेचीदेखि पश्चिम महाकालीसम्मको सीमा सन्दर्भमा भारतसँग रहेको विवादका विषयमा दुवै पक्ष बसेर छलफल गरी समाधान गर्ने बताउनु भएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्