खाँदबारी–चैनपुर सडकखण्डमा काम गरिरहेकाे एक्स्क्याभेटरमा आगजनी

माघ २३, २०७६ बिहीबार २०:३०:३५ | नवीन गुरुङ

संखुवासभा – संखुवासभाको पाँचखपन नगरपालिका-५, खमारेमा नचिनेका मानिसहरुकाे समूहले एक्स्क्याभेटरमा आगजनी गरेका छन् ।

खाँदबारी–लिङलिङ–चैनपुर सडक खण्डमा काम गरिरहेको बा.२ क ३२९३ नम्बरको एक्स्क्याभेटरमा मंगलबार राति आगजनी भएको हो । आगजनीबाट एक्स्क्याभेटरको पार्टपूर्जामा क्षति पुगेको ओएसिस इन्जिनियर्स एण्ड बिल्डर्स प्रालिले जनाएकाे छ ।

ओएसिस इन्जिनियर्स एण्ड बिल्डर्स प्रालिले खाँदबारी–लिङलिङ–चैनपुर सडक खण्डमा काम गरिरहेको छ । कसले कुन उद्देश्यले एक्स्क्याभेटरमा आगजनी गर्‍याे भन्ने थाहा नभएको कम्पनीले जनाएकाे छ । अहिलेसम्म कसैले पनि घटनाकाे जिम्मा नलिएको र आगजनी गर्ने समूहको खोजी भइरहेको संखुवासभा प्रहरीले जनाएको छ ।

यसअघि पनि मादी नगरपालिकाको ओखरबोट सडकखण्डमा काम गरिरहेको एक्स्क्याभेटरमा नचिनेका मानिसका समूहले आगजनी गरेको थियो । अहिलेसम्म त्यस घटनामा संलग्नहरुकाे पहिचान हुन सकेको छैन ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्