आलुबारीमा भेटियो २१ हप्ताको भ्रूण

गर्भपतन गराउन दबाब दिएकाे आराेप लागेका गाउँपालिका अध्यक्ष फरार

माघ २५, २०७६ शनिबार ६:५९:२ | उपेन्द्र येक्तेन

पाँचथर - पाँचथरकाे फिदीममा रहेकाे समर्पित अस्पताल परिसरमा हत्या गरेर फालिएकाे भ्रूण फेला परेकाे छ । अस्पताल नजिकैको आलुबारीमा भ्रूण फेला परेको पाँचथरका प्रहरी निरीक्षक रोमनराज अर्यालले वताउनुभयो ।

प्लाष्टिकमा प्याक गरेर पुरेको अवस्थामा भ्रूण फेला परेको तर, भ्रूणको परीक्षण गर्न बाँकी रहेको उहाँले जानकारी दिनुभयाे । याे अस्पतालमा गएको पुस २६ गते कुम्मायकाकै सुकुम्बासी दलित परिवारकी १९ वर्षीया युवतीको २१ हप्ताको गर्भपतन गराइएको थियो । कुम्मायक गाउँपालिकाका अध्यक्ष जयबहादुर चेम्जोङको दबाबमा हत्या गरेर फालिएको युवतीकाे दावी छ ।

कुम्मायक-५ स्याबरुम्बाका रमेश खड्कासगँ अन्तरजातीय प्रेम विवाह गरेकी युवती गर्भवती भएपछि अध्यक्ष चेम्जोङसहित रमेशको परिवारले दबाब दिएर जबरजस्ती गर्भपतन गराएकाे पीडित युवतीको भनाई छ ।

अध्यक्ष चेम्जोङसँगै रमेशका परिवारको दबाबमा भ्रूण हत्या भएपछि चेम्जोङ बुधबारदेखि फरार भएकाे र अध्यक्षसहित किटानी जाहेरीमा परेकाहरुको खोजी भईरहेको प्रहरीले जनाएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्